Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

اتىراۋدا كولىكتەن 2 ميلليون تەڭگە ۇرلاپ كەتكەندەر ۇستالعان ءساتتىڭ ۆيدەوسى تارادى

15 October 2021 14:55

نۇر-سۇلتان. قازاقپارات - اتىراۋدا كولىك تەرەزەسىن سىندىرىپ، ەكى ميلليون تەڭگەنى ۇرلاپ كەتكەن ءۇش ادامنىڭ ۇستالعان ءساتىنىڭ ۆيدەوسى تارادى، - دەپ حابارلايدى Polisia.kz.

12-قازاندا ساعات 13.31 اتىراۋداعى پوليتسيا باسقارماسىنىڭ «102» وپەراتورىنا قالانىڭ 35 جاستاعى تۇرعىنى حابارلاسىپ، ساعات 12.50 مەن 13.25 ارالىعىندا بەلگىسىز بىرەۋ Kia Sportage ماركالى كولىگىنىڭ تەرەزەسىن سىندىرىپ، ىشىنەن ەكى ميلليون تەڭگەنى ۇرلاپ كەتكەنىن ايتقان.

جەدەل ىزدەستىرۋ شاراسى كەزىندە قالادا ورناتىلعان كامەرالاردان ءتارتىپ ساقشىلارى جابىرلەنۋشىنىڭ كولىگىنىڭ ارتىندا ۆاز-2114 ماركالى كولىگى ەرىپ كەلە جاتقانىن بايقاعان.

كۇدىكتى اۆتوكولىك يندەر اۋدانىنداعى جارسۋات اۋىلىنان 132 شاقىرىم جەردە توقتاتىلدى. كولىكتى تەكسەرۋ كەزىندە پاكەتكە سالىنعان ەكى ميلليون تەڭگە تابىلعان.

پوليتسەيلەر ۇرلىق جاساعان ءۇش ادام 40، 44 جانە 47 جاستاعى ورال، اقتوبە جانە شىمكەنت قالالارىنىڭ تۇرعىندارى ەكەنىن انىقتاعان. بۇل دەرەك بويىنشا قىلمىستىق كودەكستىڭ 188-بابى 3-بولىگى بويىنشا قىلمىستىق ءىس تىركەلدى. كۇدىكتىلەر ۋاقىتشا تەرگەۋ يزولياتورىنا قاماۋعا الىندى.


Keywords: ايماق,
Up