Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

رەفەرەندۋمداعى حالىقارالىق بايقاۋشىلاردى تىركەۋ 30- مامىرعا دەيىن جالعاسادى

25 May 2022 20:53

نۇر-سۇلتان. قازاقپارات - قازاقستاندا وتەتىن رەفەرەندۋمعا جۇزدەن استام حالىقارالىق بايقاۋشى اككرەديتتەلدى.

بۇل تۋرالى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ايتتى، دەپ حابارلايدى قازاقپارات ءتىلشىسى.

«رەفەرەندۋمدا شەتەلدىك ۇيىمدار ميسسياسىنىڭ حالىقارالىق بايقاۋعا قاتىسۋىنا ۇلكەن ءمان بەرەمىز. بۇل ەلىمىز ءۇشىن ماڭىزدى وقيعاعا شەتەلدىك سەرىكتەستەردىڭ دە قىزىعۋشىلىعىن كورسەتەدى. ورتالىق رەفەرەندۋم كوميسسياسىنىڭ وتىرىستارىندا قارالعان العاشقى ماسەلەلەردىڭ ءبىرى - حالىقارالىق باقىلاۋ ينستيتۋتىن اشۋ بولدى. قازىرگى ۋاقىتتا 100 دەن استام باقىلاۋشى اككرەديتتەلدى. ونىڭ ىشىندە ە ق ى ۇ د ي ا ق ب باقىلاۋشىلار ميسسياسىنىڭ وكىلدەرى دە بار»، - دەدى نۇرلان ءابدىروۆ سىرتقى ىستەر مينيسترلىگىندە وتكەن جينالىستا.

و س ك ءتوراعاسى قازىرگى ۋاقىتتا ت م د، ت م د پارلامەنتارالىق اسسامبلەياسى، تۇركى مەملەكەتتەرى ۇيىمى بايقاۋشىلارىنىڭ ميسسيالارى اككرەديتتەلگەنىن اتاپ ءوتتى.

«بۇگىندە 17 مەملەكەتتىڭ دەلەگاتسيا وكىلدەرى اككرەديتتەلدى. بۇل جۇمىس جالعاسىپ جاتىر. حالىقارالىق بايقاۋشىلاردى اككرەديتتەۋ 30- مامىر كۇنى ساعات 18:00 گە دەيىن جالعاسادى»، - دەدى ن. ءابدىروۆ.

سايلاۋ كوميسسياسىنىڭ اقپاراتى بويىنشا، رەسپۋبليكالىق رەفەرەندۋمعا ەلدەن تىس ۋچاسكەلەردى قوسا العاندا، بارلىعى 10012 ۋچاسكە تارتىلاتىن بولادى.

تىزىمگە 11 ميلليون 722 مىڭ 536 ازامات ەنگىزىلدى. 20- مامىردان باستاپ ازاماتتارعا وسى تىزىمدەردە وزدەرىن تەكسەرۋگە مۇمكىندىك بەرىلدى.

Up