Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

سەمەيلىك مۇعالىم الەمدەگى ەڭ ۇزدىك 50 ۇستازدىڭ قاتارىندا 1 ميلليون دوللار ءۇشىن باق سىنايدى

9 September 2021 20:42

نۇر-سۇلتان. قازاقپارات - سەمەيلىك فيزيكا ءپانىنىڭ وقىتۋشىسى اسحات جۇمابەكوۆ Global Teacher Prize حالىقارالىق سىيلىعىنىڭ فيناليستەر تىزىمىنە ەندى، دەپ حابارلايدى قازاقپارات ءتىلشىسى.

بۇل تۋرالى قوعامدىق ماڭىزى بار باستامالار قورىنىڭ وكىلدەرى ءمالىم ەتتى.

«سەمەي قالاسىنىڭ وقىتۋشىسى، فيزيكا ءپانىنىڭ مۇعالىمى اسحات جۇمابەكوۆ Varkey قورى تاعايىندايتىن Global Teacher Prize حالىقارالىق سىيلىعىنىڭ فيناليستەر تىزىمىنە ەندى. اسحات جۇمابەكوۆ 2019-جىلى «قوعامدىق ماڭىزى بار باستامالاردى دامىتۋ» قورى ۇيىمداستىرعان National Teacher Prize Kazakhstan-2019 ۇلتتىق سىيلىعىنىڭ فيناليسى بولعان ەدى» دەپ جازىلعان قوعامدىق ماڭىزى بار باستامالار قورىنىڭ Instagram پاراقشاسىندا.

اسحات جۇمابەكوۆ ازىرگە اتالمىش جاھاندىق سىيلىقتىڭ فيناليستەرى تىزىمىنە ەنگەن العاشقى قازاقستاندىق.

ەگەر بۇل جولى توپ جارسا، 1 ميلليون دوللارلىق سىياقىعا يە بولادى. قازاقستاندىق ۇستازدىڭ بۇل سىنداعى باسقا قارسىلاستارى تۋرالى مالىمەتتى جانە اسحات جۇمابەكوۆتىڭ ەڭبەكتەرىمەن Global teacher prize سايتىندا تولىعىراق تانىسۋعا بولادى.

Up