Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ءاليحان سمايىلوۆ قازاقستاندا 5G ءدى ەنگىزۋ بويىنشا تاپسىرما بەردى

25 May 2022 15:41

نۇر- سۇلتان. قازاقپارات – ق ر پرەمەر- ءمينيسترى ءاليحان سمايىلوۆ قازاقستاندا بەسىنشى بۋىنداعى ۇيالى بايلانىس - 5G ءدى ەنگىزۋ بويىنشا تاپسىرمالار بەردى، دەپ حابارلايدى قازاقپارات primeminister.kz.

بۇگىن ق ر پرەمەر- ءمينيسترى ءاليحان سمايىلوۆ سيفرلاندىرۋ ماسەلەلەرى جونىندەگى كوميسسيانىڭ وتىرىسىن وتكىزدى. وندا مەملەكەتتىك ورگاندارداعى بيزنەس- ۇدەرىستەردىڭ رەينجينيرينگى، ازاماتتار مەن زاڭدى تۇلعالار تۋرالى مالىمەتتەردى تۇزەتۋدىڭ وڭايلاتىلعان مەحانيزمىن ەنگىزۋ، سونداي- اق بەسىنشى بۋىنداعى ۇيالى بايلانىستى ەنگىزۋ جانە دامىتۋ (5G/IMT) بارىسى قارالدى.

ءبىرىنشى ماسەلە بويىنشا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين بايانداما جاسادى. ول مەملەكەت باسشىسىنىڭ مەملەكەتتىك اپپارات قىزمەتىن بيۋروكراتيادان ارىلتۋ جونىندەگى تاپسىرماسىن ورىنداۋ اياسىندا پروتسەستەر مەن مەملەكەتتىك ورگاندار فۋنكتسيالارىنىڭ كەشەندى رەينجينيرينگى، سونداي- اق قۇجات اينالىمى مەن ەسەپتىلىكتى قىسقارتۋ جۇمىستارى جۇرگىزىلىپ جاتقانىن، ول مەرزىمدەر مەن كەزەڭدەردى ەكى ەسەگە قىسقارتۋدى كوزدەيتىنىن حابارلادى. بۇگىنگى تاڭدا 100 دەن استام بيزنەس- پروتسەسس بويىنشا جۇمىس ءجۇرىپ جاتىر: ونىڭ 55 ءى بويىنشا رەينجينيرينگ جۇرگىزىلسە، 35 ءى مەملەكەتتىك ورگانداردىڭ كەلىسۋىندە، 43 بيزنەس- پروتسەسس سيپاتتالىپ، راسىمدەلدى.

رەينجينيرينگ ازاماتتار مەن بيزنەسكە قىزمەت كورسەتۋ ۋاقىتىن بىرنەشە ەسە قىسقارتۋعا مۇمكىندىك بەرەدى، جالپى مەملەكەتتىك ورگانداردىڭ ءوزارا ءىس- قيمىلىن جاقسارتادى. وسىلايشا، ازاماتتار ءجيى جۇگىنەتىن ءبىرقاتار قىزمەت وڭتايلاندىرىلدى، اتاپ ايتقاندا، اۆتوكولىك ساتىپ الۋ (15 مين، ونلاين قىزمەتتەر ارقىلى قايتا تىركەۋ)، ج ش س جويۋ (1 اي)، مۇگەدەكتىكتى بەلگىلەۋ (سىرتتاي كۋالاندىرۋ مۇمكىندىگى)، پاتەردى قايتا جوسپارلاۋ (1 كۇن)، ەڭبەككە جارامسىزدىق پاراعىن الۋ (قاشىقتان) جانە تاعى باسقاسى. وزگەرىستەر جىل سوڭىنا دەيىن تولىق ەنگىزىلەدى.

كەلەسى ماسەلەلەر بويىنشا ۇسىنىستار جيناقتالعان: ءدارى- دارمەكتەردى اكەلۋ جانە ساراپتاۋ پروتسەستەرىن ترانسفورماتسيالاۋ، ازاماتتاردى تەگىن ءدارى- دارمەكپەن قامتاماسىز ەتۋ، جەر ۋچاسكەلەرىن ساتىپ الۋ جانە باسقارۋ، اسكەري ەسەپكە قاشىقتان قويۋ جانە باسقاسى. ولار قازىر مەملەكەتتىك ورگاندارمەن تالقىلانىپ جاتىر. بۇدان بولەك، مەملەكەتتىك ورگانداردىڭ بيۋدجەت جانە نورما تۇزۋشىلىك پروتسەستەرىنە رەينجينيرينگ جۇرگىزۋ ۇكىمەتكە ستراتەگيالىق مىندەتتەردىڭ ورىندالۋىن، ەلدەگى ماكروەكونوميكالىق جاعدايدى، وزەكتى جانە دۇرىس دەرەكتەر نەگىزىندە ناقتى ۋاقىت رەجيمىندە ۇلتتىق جوبالاردىڭ ىسكە اسىرىلۋىن تۇراقتى باقىلاپ وتىرۋعا مۇمكىندىك بەرەدى.

بۇل مەملەكەتتىك قىزمەتتىڭ جاڭا سيفرلىق فورماتقا كوشۋىنە نەگىز بولماق. ق ر پرەمەر- ءمينيسترى وسى باعىتتاعى بارلىق جۇمىستى ساپالى ءارى ۋاقىتىلى اياقتاۋدى تاپسىردى. ەكىنشى ماسەلەنى قاراۋ بارىسىندا بۇگىنگى تاڭدا ازاماتتار مەملەكەتتىك دەرەكتەر قورىنداعى قاتەلەرگە بايلانىستى ءارتۇرلى قۇجاتتارعا تۇزەتۋلەر ەنگىزىپ جاتاتىنى اتاپ ءوتىلدى. جاعدايدى وزگەرتۋ ءۇشىن مەملەكەتتىك ورگانداردىڭ مالىمەتتەردى تۇزەتۋگە ەلەكتروندىق وتىنىمدەردى قابىلداۋعا سەرۆيستەردى جاريالاپ وتىرۋى ۇسىنىلدى. وسىنىڭ ارقاسىندا پايدالانۋشى نوتاريۋسقا نەمەسە ح ق ك و- عا بارماي- اق، ۋاكىلەتتى مەملەكەتتىك ورگانعا تىكەلەي ساۋال جىبەرە الادى.

ءاليحان سمايىلوۆ ايتىلعان تاسىلدەردى قولداپ، ولاردى ىسكە اسىرۋ ماسەلەسىن ەگجەي- تەگجەيلى پىسىقتاۋدى تاپسىردى. كۇن ءتارتىبىنىڭ ءۇشىنشى ماسەلەسىن قاراۋ كەزىندە قازىرگى ۋاقىتتا قازاقستاندا 5G/IMT بەسىنشى بۋىنداعى ۇيالى بايلانىس ستاندارتىن ەنگىزۋ بويىنشا جۇمىستار جۇرگىزىلىپ جاتقانى اتاپ ءوتىلدى. جۇرگىزىلگەن سىناقتار جاقسى ناتيجە كورسەتتى: جيىلىكتى قامتۋدىڭ ءتيىمدى ايماعى - 10 شارشى ك م استام، جىلدامدىق كورسەتكىشى - 1,6 گبيت/س دەيىن، كىدىرىس دەڭگەيى - 10 م س كەم. 2021 -جىلى جەكە وپەراتورلارعا نۇر- سۇلتان، الماتى جانە شىمكەنتتە 5G تەحنولوگياسىن تەستىلەۋ قۇقىعى بەرىلدى. ق ر پرەمەر- ءمينيسترى 5G جەلىلەرى ءۇشىن جيىلىكتەردى ءبولۋ تەتىكتەرىن قوسىمشا پىسىقتاۋدى جانە جاڭارتىلعان ۇسىنىستاردى كوميسسيانىڭ قاراۋىنا قايتا ەنگىزۋدى تاپسىردى.


Up