Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

بيىل ۋتيل الىمنان 690 ميلليارد تەڭگە جيناۋ كوزدەلگەن - مينيستر

24 May 2022 13:56

نۇر-سۇلتان. قازاقپارات – ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا بەرگەن جاۋابىندا بيىل ۋتيل الىمنىڭ جالپى سوماسى 690 ميلليارد تەڭگە بولاتىنىن ءمالىم ەتتى، دەپ حابارلايدى قازاقپارات ءتىلشىسى.

«بۇل سومانىڭ ىشىندە 12 ميلليارد تەڭگە قاتتى تۇرمىستىق قالدىقتاردى جيناپ، تاسىمالداۋعا، قايتا وڭدەۋگە جانە اۆتوكومپانيالارعا كەتەدى. قايتالاپ ايتامىن، «جاسىل دامۋ» ا ق ءوزىنىڭ ينۆەستيتسيالىق ساياساتى اياسىندا جۇمىس ىستەيدى. قايتا وڭدەۋگە باعىتتالعان جوبالار پايدا بولدى دەيىك، مۇنداي جاعدايدا ينۆەستيتسيا ساياساتىنا وزگەرىس ەنگىزە الادى»، - دەدى ۆەدومستۆ باسشىسى.

ءمينيستردىڭ ايتۋىنا قاراعاندا، بيىل ۋتيل الىمنىڭ كولەمى 690 ميلليارد تەڭگە بولادى دەگەن بولجام بار. جۋرناليستەر مينيستردەن حالىق ىشىندە ايتىلىپ جۇرگەن ۋتيل الىم تۋرالى ويىن سۇرادى.

«ءبىز «جاسىل دامۋدىڭ» ينۆەستيتسيالىق ساياساتىن تۇتاستاي قايتا قاراۋدى جوسپارلاعانبىز. ونداي ۇسىنىستاردى قاراستىرۋعا دايىنبىز. ناقتى ۇسىنىستار بولسا، ءبىر ۇستەلدە باس قوسىپ، اڭگىمەلەسۋگە دايىنبىز. ول ۇسىنىستىڭ نەگىزدەمەسى بولۋى كەرەك قوي. ءبىزدىڭ ءوز ارگۋمەنتتەرىمىز دە بار. ۇكىمەت ءوز دەڭگەيىندە شەشىم قابىلدادى. ءبىز بۇل باعىتتا جۇمىس ىستەپ جاتىرمىز. ناقتى ۇسىنىس بولسا قاراۋعا دايىنبىز. مالىمدەمەلەردەن بولەك، ناقتى دايەكتەمە مەن نەگىزدەمە قاجەت»، - دەدى سەرىكقالي برەكەشەۆ.

ايتا كەتەيىك، وسى ايدىڭ باسىندا ۋتيل الىمنىڭ جاڭا ستاۆكاسى جاريالاندى.

Keywords: قوعام,
Up