Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

تۇركىستان وبلىسىندا جول اپاتىنان 6 ادام قازا بولدى

18 October 2021 14:39

تۇركىستان. قازاقپارات - تۇركىستان وبلىسىندا پوليتسيا ەكى جەڭىل كولىكتىڭ سوقتىعىسۋى سالدارىنان 6 ادام قازا تاپقان جول- كولىك وقيعاسى بويىنشا تەرگەۋ جۇرگىزىپ جاتىر، دەپ حابارلايدى قازاقپارات تۇركىستان وبلىىنىڭ پوليتسيا دەپارتامەنتى باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمەتتەرىنە قاراعاندا، 16-قازان كۇنى ساعات 19:14 شاماسىندا شاردارا اۋداندىق پوليتسيا ءبولىمىنىڭ 102 پۋلتىنە جول اپاتى تۋرالى حابارلاما كەلىپ ءتۇستى.

وقيعا ورنىنا بىردەن جەدەل- تەرگەۋ توبى شىقتى. پوليتسەيلەر وبلىستىق ماڭىزى بار جەتىساي- شاردارا اۆتوجولىنىڭ 172-شاقىرىمىندا «Opel Vectra» اۆتوكولىگى جولدىڭ قارسى بەتىنە شىعىپ، «Audi-100» اۆتوكولىگىمەن سوقتىعىسقانىن انىقتادى.

جول-كولىك وقيعاسى سالدارىنان وقيعا ورنىندا ەكى جەڭىل كولىكتىڭ جۇرگىزۋشىلەرى مەن 4 جولاۋشى قازا تاپتى، ولاردىڭ اراسىندا كامەلەتكە تولماعاندار دا بار. 6 جولاۋشى ءتۇرلى دەنە جاراقاتتارىمەن اۋداندىق اۋرۋحاناعا جەتكىزىلدى. اتالعان جايت ق ر ق ك 345-بابى 4-بولىگى «ەكى نەمەسە ودان دا كوپ ادامنىڭ ولىمىنە اكەپ سوققان جول ءجۇرىسى جانە كولىك قۇرالدارىن پايدالانۋ قاعيدالارىن بۇزۋ» بويىنشا شاردارا اۋداندىق پوليتسيا ءبولىمى سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. تەرگەۋمەن تۇركىستان وبلىسى پ د انىقتاۋشىلارى اينالىسۋدا. ءبىرقاتار ساراپتامالار تاعايىندالدى. سوتقا دەيىنگى تەرگەۋ بارىسىندا جول-كولىك وقيعاسىنىڭ بارلىق ءمان-جايى انىقتالاتىن بولادى.

وسى تۇستا ەسكەرتە كەتەتىن جايت، جەدەل- تەرگەۋ توبى وقيعا ورنىن مۇقيات زەردەلەۋ كەزىندە، اتالمىش اۆتوجولدا قانداي دا ءبىر زاڭ بۇزۋشىلىقتار جوق ەكەنىن انىقتادى. ياعني، جول قوزعالىسىنا قاتىسۋشىلار ءۇشىن جاقسى كورىنەتىن، جۇرگىزۋشىلەردى ەسكەرتەتىن جول بەلگىلەرى ورناتىلعان. تۇركىستان وبلىسىنىڭ پوليتسەيلەرى بارشا كولىك جۇرگىزۋشىلەرىنە ءاردايىم جول قوزعالىسى مەن قاۋىپسىزدىك ەرەجەلەرىن ساقتاۋ كەرەكتىگىن ەسكەرتەدى.


Keywords: ايماق,
Up