Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

تالدىقورعانداعى جاپپاي تارتىپسىزدىك كەزىندە كەربۇلاق اۋدانىنىڭ 6 تۇرعىنى قارۋ ۇرلاعان

19 January 2022 13:05

تالدىقورعان. قازاقپارات- الماتى وبلىسىنداعى كەربۇلاق اۋدانىنىڭ تۇرعىندارى قاڭتار ايىنىڭ باسىندا تالدىقورعان قالاسىندا ورىن العان جاپپاي تارتىپسىزدىككە قاتىستى دەگەن كۇدىكپەن ۇستالىپ، ۋاقىتشا قاماققا الىندى، - دەپ حابارلايدى قازاقپارات ءتىلشىسى.

«جەدەل ىزدەستىرۋ شارالارى بارىسىندا قىلمىسقا قاتىسى بار دەگەن كۇدىكپەن 1989 -جىلى تۋعان تۇرعىن ۇستالدى. ءتارتىپ ساقشىلارى كەلتىرگەن ايعاقتاردان كەيىن ول تارتىپسىزدىك كەزىندە زاڭسىز الىپ كەتكەن قارۋ جاراقتارىن قايتارىپ، سىبايلاستارىنىڭ جەكە تۇلعالارىن ايقىنداپ بەردى»، - دەدى كەربۇلاق اۋدانى پ ب باستىعىنىڭ ورىنباسارى پوليتسيا مايورى الماس بەكيەۆ.

ۇستالعان تۇرعىننىڭ ايتۋىنشا، ول تانىستارىمەن بىرگە تالدىقورعان قالاسىنداعى بەيبىت شەرۋگە قاتىسۋعا بارعان. سول ءتۇنى بولعان جاپپاي تارتىپسىزدىك كەزىندە كۇدىكتىلەر بەلگىسىز ادامداردان كالاشنيكوۆ اۆتوماتىن، ماكاروۆ تاپانشاسىن جانە ولاردىڭ وق- دارىلەرىن الىپ، كولىكتەرىنە سالىپ قويعان. سونىمەن قاتار، ولار مەكەمەلەردىڭ بىرىنەن اۆتوكولىكتىڭ 4 دانا دوڭگەلەگىن ولجالاعان. زاڭسىز تاپقان دۇنيەلەرىن سىبايلاستار ءوزارا ءبولىسىپ العان.





«اتالعان دەرەك بويىنشا ق ر قىلمىستىق كودەكسىنىڭ 287-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. 6 تۇرعىن قىلمىسقا قاتىسى بار دەگەن كۇدىكپەن ۋاقىتشا ۇستاۋ يزولياتورىنا قاماققا الىندى. ولاردان ءتارتىپ ساقشىلاردان قولدى بولعان اۆتومات پەن تاپانشالار، ولاردىڭ وق- دارىلەرى، كولىك دوڭگەلەكتەرى تاركىلەنىپ، ءىس ماتەريالدارىنا ايعاق زات رەتىندە تىركەلدى»، - دەپ تولىقتىردى پوليتسيا مايورى الماس بەكيەۆ.

ءتارتىپ ساقشىلارى تەرگەۋ بارىسىندا كۇدىكتىلەردىڭ ارەكەتتەرىن جانە ولاردىڭ وسىعان ۇقساس باسقا دا قىلمىستارعا قاتىسى بارىن انىقتايتىن بولادى. سونىمەن قاتار، ولار قانداي ماقساتتا اتىس قارۋلارى مەن وق- دارىلەرىن يەمدەنىپ، الىپ كەتكەنىن تەكسەرەدى.

اۆتور: سامال قابىشيەۆا

Keywords: ايماق,
Up