Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستاندا 83 ءىرى كومپانياعا تەحنولوگيالىق اۋديت جۇرگىزىلدى

20 May 2022 13:01

نۇر- سۇلتان. قازاقپارات - مەملەكەت باسشىسى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

پرەزيدەنتكە مينيسترلىكتىڭ بيىلعى ءبىرىنشى توقساندا اتقارعان قىزمەتىنىڭ نەگىزگى قورىتىندىلارى جانە الداعى كەزەڭگە ارنالعان جوسپارى جونىندە ەسەپ بەرىلدى.

اتاپ ايتقاندا، مينيستر ەلىمىزدىڭ ەكولوگيالىق احۋالىن جاقسارتۋ ءۇشىن قابىلدانىپ جاتقان شارالار تۋرالى باياندادى.

ونىڭ ايتۋىنشا، جاڭا ەكولوگيالىق كودەكستىڭ نورمالارىنا سايكەس 83 ءىرى كومپانياعا تەحنولوگيالىق اۋديت جۇرگىزىلگەن. بۇل ولاردىڭ 2025 -جىلعا دەيىن جاڭا تەحنولوگياعا كوشۋگە دايىندىعىن باعالاۋعا مۇمكىندىك بەردى. قاسىم- جومارت توقايەۆقا «جاسىل قازاقستان» ۇلتتىق جوباسى مەن ەكولوگيالىق پروبلەمالاردى شەشۋگە باعىتتالعان وڭىرلىك جول كارتالارىنىڭ جۇزەگە اسىرىلۋ بارىسى تانىستىرىلدى.

سونىمەن قاتار مەملەكەت باسشىسىنا گەولوگيالىق سالانىڭ جاعدايى مەن ۇلتتىق گەولوگيالىق قىزمەتتى قۇرۋ جۇمىستارى تۋرالى باياندالدى. بۇدان بولەك پرەزيدەنتكە سۋ شارۋاشىلىعى ينفراقۇرىلىمىنىڭ احۋالى، ۆەگەتاتسيالىق كەزەڭدى وتكىزۋ، جاڭا سۋ كودەكسى، سونداي- اق ورمان شارۋاشىلىعى مەن جانۋارلار الەمىنىڭ جاي- كۇيى جونىندە اقپارات بەرىلدى. كەزدەسۋ سوڭىندا مەملەكەت باسشىسى مينيسترلىككە ەكولوگيالىق ماسەلەلەردى شەشۋ، سۋ شارۋاشىلىعى ينفراقۇرىلىمىن جاقسارتۋ جانە گەولوگيالىق سالانى دامىتۋ جونىندە ءبىرقاتار ناقتى مىندەت جۇكتەدى.


Up