Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ماقتاارالدا بويجەتكەن اقشاڭدى كوبەيتىپ بەرەمىن دەپ الداپ، 8 ميلليون تەڭگەنى قالتاعا باسقان

25 October 2021 11:03

ماقتاارال. قازاقپارات - تۇركىستان وبلىسىندا قۇمار ويىن ارقىلى اقشاڭدى كوبەيتىپ بەرەمىن دەپ الداپ، ەلگە 8000000 شىعىن كەلتىرگەن جاس قىز انىقتالدى، دەپ حابارلايدى قازاقپارات.

ماقتاارال اۋداندىق پوليتسياسىنا شاردارا اۋدانىنىڭ تۇرعىنىنان ارىز كەلىپ تۇسكەن. جابىرلەنۋشى ايەلدىڭ ايتۋىنشا «ۆاتساپ» الەۋمەتتىك جەلىسى ارقىلى بەلگىسىز ازاماتشا اقشا بەرسەڭ، قۇمار ويىنى ارقىلى كوبەيتىپ بەرەمىن دەپ الداعانىن كورسەتكەن. ياعني كۇدىكتى سالعان اقشاڭ ەسەلەپ قايتارىلاتىن بولادى دەپ سەندىرىپ، 1000000 تەڭگەدەن استام اقشا العان. الايدا ارادان ءبىرشاما ۋاقىت وتكەندە تەلەفونىن كوتەرمەي، بايلانىسقا شىقپاي قويعان. سودان الاياققا الدانعانىن تۇسىنگەن تۇرعىن، بىردەن پوليتسەيلەردىڭ كومەگىنە جۇگىندى. اتالعان دەرەك ق ك 190-بابى، ياعني «الاياقتىق» قىلمىستىق قۇقىق بۇزۋشىلىعى بويىنشا تىركەلدى. تۇرعىندى الداپ، اقشاسىن قالتاسىنا باسقان الاياقتى ۇستاۋ ءۇشىن تاجىريبەلى ءتارتىپ ساقشىلارىنان جەدەل- تەرگەۋ توبى قۇرىلدى. جابىرلەنۋشىنىڭ اقشا سالىپ جىبەرگەن بانك قوسىمشاسى ارقىلى كۇدىكتىنىڭ جەكە باسى انىقتالدى. پوليتسيا قىزمەتكەرلەرى وسى قىلمىستىڭ اشىلىپ، كۇدىكتىنىڭ ۇستالۋى بويىنشا جۇيەلى جۇمىستاردى جۇرگىزدى.

ءتارتىپ ساقشىلارىنىڭ جەدەل ارەكەتى ناتيجەسىندە، الاياق ايەلدىڭ جەرگىلىكتى تۇرعىن ەكەنى بەلگىلى بولدى. پوليتسەيلەر كۇدىكتىنىڭ جەكە باسىن انىقتاپ، بىردەن پ ب عا جەتكىزدى. قازىرگى تاڭدا اتالعان جايت بويىنشا تەرگەۋ امالدارى جۇرگىزىلۋدە.

بەلگىلى بولعانداي كۇدىكتى جاس قىز وسىنداي سىلتاۋمەن تاعى 19 تۇرعىنان 50000-800000 تەڭگە ارالىعىندا اقشا الىپ وتىرعان. وسىلايشا جالپى 8000000 تەڭگەگە جۋىق شىعىن كەلتىرگەن. تۇركىستان وبلىسىنىڭ پوليتسەيلەرى وبلىس تۇرعىندارىنا تانىس ەمەس ازاماتتارعا سەنبەۋدى، الاياقتىڭ ارباۋىنا ءتۇسىپ قالماۋدى ەسكەرتەدى. سونداي- اق جەكە مالىمەتتەردى، نە بولماسا اقشانى الەۋمەتتىك جەلى ارقىلى ەشكىمگە جىبەرمەۋگە كەڭەس بەرەدى.


Keywords: قوعام,
Up