Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ورالدا 9-13 جاستاعى بالالار العاش رەت كوكپار سايىسىنا ءتۇستى

29 November 2021 09:32

ورال. قازاقپارات - ورالدا تۇڭعىش پرەزيدەنت كۇنىنە وراي بالالار اراسىندا ۇلتتىق سپورت تۇرلەرىنەن سايىس وتكىزىلدى، دەپ حابارلايدى قازاقپارات ءتىلشىسى.

«ورال» سپورت كلۋبى مەن «يشانوۆ» جك بىرىگىپ ۇيىمداستىرعان جارىسقا اتالمىش كلۋبتىڭ ات سپورتى بولىمىندە جاتتىعىپ جۇرگەن 50 دەن استام بالا قاتىستى. سايىستىڭ العاشقى كۇنى بالالار اۋدارىسپاق پەن جامبى اتۋدان باق سىناسا، ەكىنشى كۇنى تەڭگە ءىلۋ مەن كوكپاردىڭ كورىگى قىزدى. ۇيىمداستىرۋشىلاردىڭ ايتۋىنشا، تاي كوكپارى باتىس ولكەسىندە تۇڭعىش رەت ءوتىپ وتىر. مۇندا باق سىناعان بالالاردىڭ كىشىسى 9 دا، ەڭ ۇلكەنى – 13 تە.




ن ەگىزى كوكپار دوداسىنا 16 جاستان باستاپ قاتىسادى. دەگەنمەن بۇل كۇنى كىشكەنتاي پالۋاندار دوداعا اتويلاپ، تايسالماي كىردى. جارىس الدىندا ارنايى سەركە سويىلىپ، «ورال» سپورت كلۋبىنىڭ ديرەكتورى ەسقابىل ءابىلشاق ۇلى جاس شاباندوزدارعا باتاسىن بەردى. ءتورت توپقا بولىنگەن كوماندالار سەركە مەن سالىم ءۇشىن ءوزارا قىزۋ تالاسقا ءتۇستى.




«جارىستىڭ ماقساتى - بالالارعا ويىندى سەزىندىرۋ، ات ۇستىندەگى شەبەرلىكتەرىن شىڭداپ، تاجىريبەلەرىن مولايتۋ. كوكپار ويناۋعا كۇش، ەپ، بىلەك پەن بىلىكتىلىك كەرەك، ول ەكىنىڭ ءبىرىنىڭ قولىنان كەلمەيدى. سوندىقتان بالالاردىڭ بۇل ويىنى جوعارى باعاعا لايىق»، دەدى سپورت كلۋبتاعى كوكپار جاتتىقتىرۋشىسى ماعجان جەڭىسوۆ.




ءۇش ساعاتقا سوزىلعان تەكەتىرەس ناتيجەسىندە «بولاشاق» كومانداسى جەڭىمپاز اتاندى. «قىران» ەكىنشى، «ارلان» ءۇشىنشى ورىنعا كوتەرىلدى. سالىمشى رەتىندە سەرجان حاميت، ايسۇلتان ميرازات، مۇراتقالي ارسەن، بورانباي ءابدۋراحمان، ايبارىس ميرازات ەرەكشە كوزگە ءتۇستى. جارىس سوڭىندا بارلىق جەڭىمپازدار ارنايى ديپلوم، مەدالدارمەن ماراپاتتالدى.








Keywords: ايماق,
Up