Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتىدا تانىمالى توپتىڭ مۋزىكانتتارى ەسىرتكى ساتتى دەگەن كۇدىكپەن ۇستالدى

22 April 2021 18:51

الماتى. قازاقپارات - الماتىدا تانىمال Q-рор توبىنىڭ مۇشەلەرى ەسىرتكى زاتتارىن جاساپ، ساتتى دەگەن كۇدىكپەن ۇستالدى، دەپ حابارلايدى قازاقپارات ءتىلشىسى.

پوليتسەيلەر 21-30 جاس ارالىعىنداعى 10 ادامدى ۇستاعان. توپتى باسقارعان - 1994 -جىلى تۋعان ازامات ح.

«ەسىرتكى بيزنەسىنە قارسى كۇرەس باسقارماسى قىزمەتكەرلەرى بىلتىر قىركۇيەك ايىنان بەرى كۇدىكتىلەردىڭ بىرىنە اڭدىعان. قولدا بار جەدەل مالىمەتتەرگە سايكەس، توپتاعى ءبىر ازامات بىرنەشە ايدان بەرى الماتىدا سينتەتيكالىق ەسىرتكىنى جاساۋمەن جانە ساتۋمەن اينالىسقان. ازامات ح. -نىڭ جانە ونىڭ «كومەكشىلەرىنىڭ» قىلمىستىق ارەكەتى رەسمي تۇردە قۇجاتتالعان. ونىڭ ءار كومەكشىسىنىڭ ءرولى ناقتى بەلگىلەنگەن.

مىسالى، لوگيستيكالىق كومپانيا ارقىلى رەسەي فەدەراتسياسىنان سينتەتيكالىق ەسىرتكى زاتتارىن وندىرۋگە ارنالعان كومپونەنتتەردى جەتكىزۋگە ءۇش ادام جاۋاپ بەرگەن، ولاردىڭ ءبىرى - قىز بالا. ەكى جاس جىگىت - كاسسيرلەر، وتىنىمدەر قابىلداۋعا جاۋاپتى بولدى. تاعى ءتورت ەر ادام - ەسىرتكىنى بەلگىلەنگەن جەرگە جاسىرۋشىلار، ولار ادەتتە ناۋرىزباي، بوستاندىق جانە الاتاۋ اۋداندارىندا جۇمىس ىستەگەن»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.

ۇستالعانداردىڭ اراسىندا تانىمال قازاقستاندىق «Madmen» شىعارماشىلىق توبىنىڭ مۇشەلەرى دە بار ەكەنى انىقتالدى.

«سينتەتيكالىق ەسىرتكىنى دايىنداپ، ساتتى دەگەن كۇدىكپەن ۇستالعان 10 ادامنىڭ 2-ەۋى اتالعان شىعارماشىلىق توپقا قاتىسى بار»، - دەدى پوليتسيادان.




سانكسيالانعان تىنتۋلەر بىرنەشە مەكەنجايدا جۇرگىزىلدى. ەسىرتكى زەرتحاناسىنا قاجەتتى اتريبۋتيكانىڭ كوپ بولىگى الماتى ماڭىندا جالعا الىنعان ۇيدەن تابىلدى.

«ۇستالعانداردىڭ ايتۋى بويىنشا، تاركىلەنگەن زاتتار - «مەفەدرون» ەسىرتكى زاتى. سوت- حيميالىق ساراپتاما تاعايىندالدى. كۇدىكتىلەر پ د ۋاقىتشا ۇستاۋ يزولياتورىنا قامالدى»، - دەپ قورىتىندىلادى بەرىك ابىلبەكوۆ.

اۆتور: الما مۇقانوۆا

Keywords: قوعام,
Up