Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

س ءى م گرۋزيادا جۇمباق جاعدايدا قازا تاپقان قازاقستاندىق بويجەتكەن جايلى مالىمەت تاراتتى

8 May 2021 10:55

نۇر-سۇلتان. قازاقپارات - قازاقستاننىڭ سىرتقى ىستەر مينيسترلىگى گرۋزيادا جۇمباق جاعدايدا قازا تاپقان قازاقستاندىق بويجەتكەنگە قاتىستى رەسمي مالىمەت تاراتتى، دەپ حابارلايدى قازاقپارات.

«گرۋزيانىڭ قۇقىق قورعاۋ ورگاندارى ءبىزدىڭ ەلشىلىككە بەرگەن اقپاراتقا سايكەس، بيىلعى 5- مامىردا تبيليسي قالاسىنداعى ءبىر ءۇيدىڭ تەرەزەلەرىنىڭ استىنان قازاقستان ازاماتىنىڭ دەنەسى تابىلعان. الدىن الا مالىمەت بويىنشا، اتالعان قىز 9-قاباتتان قۇلاپ مەرت بولعان» دەپ ءمالىم ەتتى سىرتقى ىستەر مينيسترلىگى.

گرۋزيا پوليتسياسى ءوزىن-ءوزى ءولتىرۋ حالىنە جەتكىزۋ دەگەن كۇدىكپەن قىلمىستىق ءىس قوزعادى.

پوليتسيا كۇدىكتىنى قاماۋعا الدى. باسقا اقپارات تەرگەۋ مۇددەسى ءۇشىن جاريالانبايدى.

«گرۋزياداعى قازاقستان ەلشىلىگىنىڭ كونسۋلى مارقۇمنىڭ وتباسىمەن ۇنەمى بايلانىستا. بۇل ءىس ەلشىلىكتىڭ ەرەكشە باقىلاۋىنا الىندى. قازاقستاننىڭ سىرتقى ىستەر مينيسترلىگى ەل ازاماتىنىڭ دەنەسىن وتانىنا جەتكىزۋگە جان-جاقتى كومەك كورسەتىپ جاتىر» دەلىنگەن حابارلامادا.

ەسكە سالا كەتەيىك، بۇعان دەيىن ءبىرقاتار قازاقستاندىق ب ا ق قازاقستاندىق بويجەتكەننىڭ گرۋزيادا كەنەتتەن كوز جۇمعانىن حابارلاعان بولاتىن.

Up