Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

جەڭىس كۇنىنە وراي وتەتىن ءداستۇرلى مەرەكەلىك شارالار كەلەسى جىلعا اۋىستىرىلدى

8 May 2021 15:10

نۇر-سۇلتان. قازاقپارات - جەڭىس كۇنىنە وراي وتەتىن ءداستۇرلى مەرەكەلىك شارالار كەلەسى جىلعا اۋىستىرىلدى.

بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا حابارلادى.

«قازىرگى كۇردەلى ەپيدەميولوگيالىق جاعدايعا بايلانىستى جەڭىس كۇنىنە وراي وتەتىن ءداستۇرلى مەرەكەلىك شارالاردى كەلەسى جىلعا اۋىستىرۋ تۋرالى شەشىم قابىلداندى. پرەزيدەنت وتانداستارىمىزعا ارنايى قۇتتىقتاۋىن جولدايدى. قازاقستاندا ۇلى وتان سوعىسىنىڭ ارداگەرلەرى مەن تىل ەڭبەككەرلەرىنىڭ ەسىمى ەرەكشە قۇرمەتتەلەدى. مەملەكەت باسشىسىنىڭ وكىمىمەن ۇلى جەڭىس كۇنى مەرەكەسىنە وراي سوعىس ارداگەرلەرىنە ماتەريالدىق كومەك كورسەتىلدى» دەلىنگەن حابارلامادا.

ايتا كەتەيىك، بۇعان دەيىن قر پرەزيدەنتى قاسىم-جومارت توقايەۆ ماسكەۋدەگى جەڭىس كۇنىنە ارنالعان پارادقا قاتىسپايتىنىن حابارلاعان ەدىك.

Up