Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

اقمولا وبلىسىندا عالىمدار بيدايدىڭ جاڭا ءتۇرىن شىعاردى

17 June 2021 09:26

نۇر- سۇلتان. قازاقپارات – اقمولا وبلىسىندا عالىمدار بيدايدىڭ جاڭا سۇرپىن شىعاردى. «تايماس» دەپ اتالاتىن تىڭ تۇقىم ادەتتەگى استىقتان گورى ەرتە پىسەدى ءارى قۇرعاقشىلىققا ءتوزىمدى كەلەدى.

ايماقتا سوڭعى جىلدارى اگروونەركاسىپ كەشەنى جاقسى دامىپ كەلەدى. ەگىنمەن قاتار مال شارۋاشىلىعى دا كەڭىنەن قانات جايعان. سونداي- اق ءونىمدى وڭدەۋ ءىسى دە وڭىردە قولعا الىنعان. شورتاندى اۋدانىندا ورنالاسقان الەكساندر بارايەۆ اتىنداعى استىق شارۋاشىلىعى عىلىمي- وندىرىستىك ورتالىعىنىڭ عالىمدارى بۇگىنگە دەيىن 30-دان استام بيداي سۇرپىن ازىرلەگەن.

ال ولار قازىر ايماقتاعى ەگىستىك القاپتارىنىڭ 70 پروتسەنتىنە سەبىلىپ ءجۇر. جاڭادان زەرتتەلگەن «تايماس» سۇرپى دا الداعى جىلدارى قولدانىسقا ەنگىزىلەدى. بيدايدىڭ جاڭا ءتۇرى گەكتارىنا 35 سەنتنەرگە دەيىن ءونىم بەرۋى مۇمكىن.

ءادىلحان بابكەنوۆ، بيداي سەلەكسياسى ءبولىمىنىڭ مەڭگەرۋشىسى:

- بۇل ورتاشا ەرتە پىسەتىن سۇرىپ. ناقتىراق ايتساق، 90-95 كۇندە جەتىلەدى. ول قۇرعاقشىلىققا جانە ءتۇرلى اۋرۋلارعا توزىمدىلىگىمەن ەرەكشەلەنەدى. ال توزىمدىلىك گەنى ل ر-19 جانە ل ر-37.

مال شارۋاشىلىعىنىڭ دامۋى دا ەگىننەن كەم ەمەس. ايماقتا جىل سايىن جاڭا فەرمالار سالىنىپ جاتىر. كاسىپكەرلەر اسىرەسە اسىل تۇقىمدى ءىرى قاراعا دەن قويعان. ماسەلەن، قازىر اقكول اۋدانىنداعى دومبىرالى ەلدى مەكەنىنىڭ جانىنان 300 باسقا ارنالعان ءسۇت فەرماسى بوي كوتەرۋدە.

ءمادي ەسقارايەۆ، «اقكول اگرو» سەرىكتەستىگىنىڭ ديرەكتورى:

- كۇزدە ءبىز شەتەلدەن، گەرمانيا مەملەكەتىنەن سەمەنتال تۇقىمىن الىپ كەلە جاتىرمىز. وسى جىلى ىسكە قوسىلادى دەپ ويلايمىز. قاڭتار، اقپان ايلارىندا 2022 -جىلى ءسۇت الا باستايمىز.

ال ارشالى اۋدانىنىڭ جىبەك جولى اۋىلىنداعى ءسۇت زاۋىتى جاقىندا جاڭا قوندىرعىلار ورناتىپ، وندىرىستىك قۋاتتىلىعىن ارتتىرماق. قازىر كاسىپورىن كۇنىنە 3 تونناعا جۋىق ءونىم شىعارىپ وتىر. مۇندا جەرگىلىكتى 36 ادام جۇمىسپەن قامتىلعان. ولار ءسۇت ونىمدەرىنىڭ 10 شاقتى ءتۇرىن ءوندىرىپ كەلەدى.

ۆاديم باتيۋتا، ءسۇت زاۋىتىنىڭ ديرەكتورى:

- ءبىز شيكىزاتتى ارشالى، سەلينوگراد جانە استراحان اۋداندارىنان تاسيمىز. ياعني ارنايى كولىك جىبەرىپ، اۋىل حالقىنان ساتىپ الامىز. ال دايىن ءونىم نۇر- سۇلتان قالاسى مەن وبلىستىڭ اۋداندارىنا تاراتىلادى.

جالپى اقمولا وبلىسىندا 15 ءسۇت زاۋىتى بار. ال ولاردى شيكىزاتپەن قامتاماسىز ەتۋ ءۇشىن وتكەن جىلى وڭىردە 20 شاقتى فەرما ىسكە قوسىلدى. بۇل باعىتتاعى جۇمىستار ودان ءارى جالعاسادى.

www.24.kz

Keywords: قوعام,
Up