Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

پاۆلوداردا كيىز باسۋ ونەرىن يگەرگەن وقۋشىلاردىڭ كورمەسى ءوتتى

22 June 2021 18:31

پاۆلودار. قازاقپارات - پاۆلوداردا بالالار كوركەمسۋرەت مەكتەبى «جاندانعان پەتروگليفتەر» جوباسى اياسىندا وقۋشىلاردىڭ ساندىك جۇمىستارىنان كورمە ۇيىمداستىردى، دەپ حابارلايدى قازاقپارات Pavlodarnews.kz سايتىنا سىلتەمە جاساپ.

جوبا «رۋحاني جاڭعىرۋ» باعدارلاماسى شەڭبەرىندە قولعا الىنعان. قالالىق ءبىلىم بەرۋ ءبولىمىنىڭ مالىمەتى بويىنشا، ەكسپوزيتسيادا «دىمقىل كيىز باسۋ»، «قۇرعاق كيىز باسۋ»، «ارالاس كيىز باسۋ»، «ءجۇندى اكۆارەل» تەحنيكاسىمەن جۇننەن ورىندالعان جۇمىستار بار. جارتى جىل بويى مەكتەپ ۇستازدارى يننا ماسلەننيكوۆا، ناتاليا رەشەتوۆا، التىن كيسامەدەنوۆا بالالاردى كيىز باسۋ شەبەرلىگىنىڭ ءتۇرلى تاسىلىنە ۇيرەتكەن.

- جالپى، جۇننەن كيىز باسۋ - ەجەلگى داۋىردەن باستاپ اتا- بابامىزدىڭ ەڭ كونە قولونەر ءتۇرى. ادامدار شامامەن ءجۇننىڭ جاباعىلانۋ قاسيەتىن 8000 جىل بۇرىن انىقتادى. بۇل قوي وسىرۋمەن اينالىسقان ورتا ازيا، رەسەي حالىقتارىنىڭ داستۇرىنە ءتان. ەجەلدە نوي ءوز كەمەسىندە قويلاردى تاسىمالداعان كەزدە وتە تار بولمەدە بولعان جانە ءبىر ورىندا تاپتالىپ تۇرعاندىقتىن جۇندەرى تۇسكەن، قويلاردى سىرتقا شىعارعاندا سول جەردە كىلەم توسەلىپ جاتقان دەگەن اڭىز بار. قازاقتار جۇننەن ومىرگە قاجەتتى كوپتەگەن زاتتار - باس كيىم، كيىم، زەرگەرلىك اشەكەي، كيىز ءۇي، كىلەم جاساعان»، - دەيدى يننا ماسلەننيكوۆا.




ونىمدەردى جاساۋ ءۇشىن سابىن-ءسىلتىلى ەرىتىندى، مىندەتتى تۇردە تابيعي ءجۇن قاجەت. تەگىس بۇيىمدار مەن كىلەمدەر ءۇشىن دىمقىل كيىز، ال اشەكەيلەر ءۇشىن ارالاس كيىز قولدانىلادى، ويتكەنى ءجۇن ءتۇرلى-ءتۇستى، ادەمى بولىپ شىعادى.

«قازىرگى ۋاقىتتا جۇننەن جاسالعان اكۆارەل، ارالاس كيىز سياقتى قازىرگى زامانعى ويۋ-ورنەكتىڭ كوپتەگەن ءتۇرى بار بولعاندىقتان، ءبىز بالالارمەن بىرگە ءارتۇرلى ويۋ-ورنەكتەردى زەرتتەپ، جۇمىس جاسادىق، ءتىپتى كيىزدى دە، اشەكەيلەۋ ءۇشىن شاشاقتار مەن ءتۇرلى-ءتۇستى جىپتەردى دە قولداندىق.

مىسالى، ريمما كايداروۆا كيىزدەن «دالا سارىندارى» پاننوسىن، الەكساندرا شۆەتس «جارتاسقا سالىنعان ورنەكتەر»، ال ياسمين يسكاكوۆا «ەجەلگى جازۋلار» جۇمىستارىن «ءجۇندى اكۆارەل» تەحنيكاسىندا ورىنداعان»، - دەيدى ناتاليا رەشەتوۆا.

Keywords: قوعام,
Up