Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

كاسىپوداق وكىلى پەداگوگتاردىڭ جالاقىسىن قوسىمشا قالاي كوتەرۋ كەرەكتىگىن ايتتى

16 September 2021 20:29

نۇر-سۇلتان. قازاقپارات - ەلوردالىق پەداگوگتاردىڭ جالاقىسىن زاڭدى جولمەن كوتەرۋگە بولادى.

بۇل تۋرالى «ادىلەت» كاسىپوداعىنىڭ ءتوراعاسى باتىر اليەۆ ايتتى، دەپ حابارلايدى قازاقپارات ءتىلشىسى.

«جالاقىنى قوسىمشا كوتەرۋگە قاتىستى ۇكىمەتتىڭ 11-93 قاۋلىسىنىڭ 5-تارماعى 1-تارماقشاسى جانە 6-تارماعىنىڭ 2-تارماقشاسى بار. ول ءبىلىم بەرۋ باسقارماسىنا ءبىلىم بەرۋ مەكەمەسىنىڭ باسشىسى ءۇشىن قوسىمشا جالاقى مەن سىياقى تۇرىندەگى ۇستەماقى بەكىتۋ ارقىلى ىنتالاندىرۋعا مۇمكىندىك بەرەدى. ءوز كەزەگىندە، ءبىلىم بەرۋ مەكەمەسىنىڭ باسشىسى وسى تارماقتاردى قولدانا وتىرىپ، قىزمەتكەرلەرىن قوسىمشا ىنتالاندىرا الادى»، - دەدى ول قالالىق ءماسليحات وتىرىسىندا.

ونىڭ اتاپ وتۋىنشە، «ادىلەت» كاسىپوداعى وسى ماسەلەگە قاتىستى ەڭبەك جانە حالىقتى الەۋمەتتىك قورعاۋ مينيسترلىگىنە حات جولداپ، وڭ جاۋاپ العان.

«رەسمي جاۋاپتا ەگەر كاسىپوداقپەن باسقارما جانە ۇجىم اراسىندا وڭىرلىك كەلىسىمدە مۇنداي جايت كوزدەلگەن جاعدايدا سوعان سايكەس زاڭدى نەگىزدە ۇستەماقى تولەۋگە بولاتىندىعى ايتىلعان.

ماسەلەن، جامبىل وبلىسىندا وڭىرلىك كاسىپوداق ءبىلىم بەرۋ باسقارماسىمەن جاسالعان كەلىسىمشارتقا مۇنداي نورمانى ەنگىزگەن. قازىر ول جاقتا جالاقىسى تومەن جەكەلەگەن قىزمەتكەرلەر جالاقىعا 30 دان 50 پايىزعا دەيىن ۇستەمەاقى الادى»، - دەدى باتىر اليەۆ.

Up