Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

فۋتزالدان ءا چ: ق ر پرەزيدەنتى قازاقستان قۇراماسىن جارتىلاي فينالعا شىعۋىمەن قۇتتىقتادى

28 September 2021 10:32

نۇر- سۇلتان. قازاقپارات – ق ر پرەزيدەنتى فۋتزالدان قازاقستان قۇراماسىن الەم چەمپيوناتىنىڭ جارتىلاي فينالىنا شىعۋىمەن قۇتتىقتادى، دەپ حابارلايدى قازاقپارات.

بۇل تۋرالى مەملەكەت باسشىسى ءوزىنىڭ Twitter- دەگى پاراقشاسىندا جازدى.

«فۋتزالدان قازاقستان ۇلتتىق قۇراماسى العاش رەت الەم چەمپيوناتىنىڭ جارتىلاي فينالىنا شىعىپ، كەرەمەت سەنساتسيا جاسادى. قۇتتى بولسىن! الداعى ويىندارىنا دا ساتتىلىك تىلەيمىن!»، - دەلىنگەن وندا.

ايتا كەتەيىك، فۋتزالدان الەم چەمپيوناتىنىڭ شيرەك فينالىندا قازاقستان قۇراماسى يراندىق فۋتزالشىلارمەن كەزدەسىپ، 3:2 ەسەبىمەن جەڭىسكە جەتكەن بولاتىن. قازاقستان قۇراماسى بۇدان بۇرىن الەم چەمپيوناتىنىڭ فينالدىق ساتىسىندا ەكى مارتە باق سىناعان ەدى.

2000 -جىلى ءبىرىنشى كەزەڭنەن اسا الماسا، 2016 -جىلى 1/8 فينالعا دەيىن جەتتى. الەم چەمپيوناتىنىڭ فينالى 3-قازانعا بەلگىلەنگەن.

Keywords: سپورت,
Up