Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

قىتايدىڭ بىرنەشە وڭىرلەرىندە ەنەرگەتيكا تاپشىلىعى تۋىندادى

28 September 2021 13:06

بەيجىڭ. قازاقپارات - قىتايدىڭ سولتۇستىك- شىعىسىنداعى ءۇش پروۆينسيانىڭ بيلىگى وسى اپتادا بىرنەشە ەلدى مەكەندە ەلەكتر قۋاتىن تۇتىنۋعا شەكتەۋ قويدى، دەپ حابارلايدى قازاقپاراتتىڭ مەنشىكتى ءتىلشىسى.

جەرگىلىكتى ب ا ق- تىڭ حابارلاۋىنشا، جاقىن ايلاردا قىسقى اياز جاقىنداپ، ەلەكتر قۋاتىنا سۇرانىس ارتقان كەزدە قىتايدىڭ سولتۇستىك- شىعىس وڭىرلەرىندە (حيلۋڭجياڭ، جيلين جانە لياونيڭ پروۆينسيالارى) ەلەكتر قۋاتىن ءوشىرۋ جيىلەي باستايدى.

بۇل جاعداي كومىردىڭ جەتىسپەۋشىلىگىنەن جانە ەنەرگوجۇيەگە تۇسكەن سالماقتان بولادى. Yicai باسىلىمىنىڭ حابارلاۋىنشا، جيلين پروۆينسياسىندا كەلەسى جىلدىڭ ناۋرىزىنا دەيىن ەلەكتر قۋاتى ءوشىپ وتىرادى. لياونيڭ پروۆينسياسىنىڭ اكىمشىلىك ورتالىعى شىنياڭ قالاسىندا وتكەن اپتادان باستاپ ەلەكتر قۋاتىن پايدالانۋعا شەكتەۋ ەنگىزىلە باستاعان. قالانىڭ كەيبىر اۋداندارىندا باعدارشامداردىڭ جۇمىس ىستەمەۋىنەن جول قوزعالىسى قيىنداعان.

قىتايداعى كومىر تاپشىلىعى وتىننىڭ وسى ءتۇرىن ساتىپ الۋ باعالارىنىڭ وسۋىنە الىپ كەلدى. سوعان بايلانىستى قىتايدىڭ كومىر ەلەكتر ستانسيالارى ەلەكتر قۋاتىنىڭ ءوندىرىسىن توقتاتىپ، اسا كەرەك جاعدايلارعا ۇنەمدەپ قالۋدى ءجون كورەدى.

اۆتور: ءبيبىحان سەرىكوۆا


Keywords: الةم,
Up