Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

عارىشقا ۇشقان العاشقى كينوەكيپاج قازاقستان اۋماعىنا قوندى

17 October 2021 16:01

نۇر- سۇلتان. قازاقپارات - نۇر- سۇلتان ۋاقىتىمەن 10 ساعات 36 مينۋتتا «سويۋز- مس-18» عارىش كەمەسى ەكيپاجى قازاقستان اۋماعىنا قوندى، دەپ حابارلايدى قازاقپارات ءتىلشىسى.

بورتىندا عارىشكەر ولەگ نوۆيتسكي، اكتريسا يۋليا پەرەسيلد جانە رەجيسسەر كليم شيپەنكو بار «سويۋز- مس-18» كەمەسىنىڭ اپپاراتى جەرگە قوندى. عارىش كەمەسى اپپاراتىنىڭ قونۋىن قامتاماسىز ەتۋ جۇمىستارىنا ورتالىق اسكەري وكرۋگتەن 200 گە جۋىق اسكەري قىزمەتكەر، 12 مي-8 متۆ5-1 تىكۇشاعى، ان-12 جانە ا ن-26 ءۇش ۇشاعى، ارنايى تەحنيكانىڭ 20 عا جۋىق بىرلىگى جۇمىلدىرىلعان.




كەمە ەكيپاجى دا بورتتىق قۇجاتتامانى مۇقيات زەرتتەپ، قاۋىپسىز قونۋىنا جاۋاپتى مامانداردان كەڭەس الۋدا. جەرگە قونۋشى اپپارات ىشىندەگى ەكيپاج كەز كەلگەن شتاتتان تىس جاعدايدا ارەكەت ەتۋگە دايىن بولدى.

ەسكە سالا كەتسەك، تاريحتاعى العاشقى كينوەكيپاج عارىشقا 2021 -جىلدىڭ 5-قازانىندا عارىشتا كوركەم فيلم ءتۇسىرۋ ميسسياسىمەن اتتانعان.





Keywords: ايماق,
Up