Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

تۇركىستاندا دەپۋتات ەكەنىن ايتىپ، كافەدە جانجال شىعارعان ادامنىڭ كىم ەكەنى انىقتالدى

18 October 2021 17:25

تۇركىستان. قازاقپارات - تۇركىستاندا ءدامحانادا تاپسىرىستى تولەۋدەن باس تارتىپ، جانجال شىعارعان ادام بۇرىنعى دەپۋتات بولىپ شىقتى، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ تاراتقان دەرەگىنە سەنسەك، 17 - قازان كۇنى تۇنگى ساعات 1.00 شاماسىندا كوڭىل كوتەرۋ ورنىنىڭ قىزمەتكەرلەرى تۇركىستان پوليتسياسىنىڭ 102 پۋلتىنە حابارلاسىپ، كومەك سۇراعان.

بىردەن وقيعا ورنىنا پوليتسيا جاساعى شىقتى. كەلگەن بويدا ءتارتىپ ساقشىلارى جەرگىلىكتى تۇرعىن ەر ادامنىڭ تولەم جاساۋدان باس تارتىپ، جانجال شىعارعانىن انىقتادى. قۇقىق بۇزۋشى، ياعني ەر ازاماتقا قاتىستى ۇساق بۇزاقىلىق جايتىمەن اكىمشىلىك ءىس قوزعالدى. جينالعان ماتەريالدار سوتقا جىبەرىلەدى. سونداي- اق ەر ادامنىڭ بۇرىن قالالىق ءماسليحاتتىڭ دەپۋتاتى بولعانى جانە بيىلعى جىلدىڭ ناۋرىز ايىندا وكىلەتتىگىن توقتاتقانى انىقتالدى.



Keywords: ايماق,
Up