Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

اتىراۋدا جەكە تۇرعىن ۇيلەردىڭ اۋلاسىندا سارىشايان قاپتادى

19 October 2021 10:03

اتىراۋ. قازاقپارات - اتىراۋدا جەكە تۇرعىن ۇيلەردىڭ اۋلاسىندا سارىشاياندار پايدا بولدى، دەپ حابارلايدى قازاقپارات.

سارىشايانداردىڭ پايدا بولعانىنا الاڭداۋشىلىق بىلدىرگەن تۇرعىننىڭ ءبىرى - دانيار اۋبەكەروۆ. قازىر ول اتىراۋ قالاسىنداعى «نۇرسايا-3» شاعىناۋدانىندا تۇرادى.

«قازىر سارىشاياندار ماسەلەسى كورشىلەردىڭ اراسىندا ءجيى تالقىلاناتىن تاقىرىپقا اينالدى. كورشىلەرىمىزدىڭ كەيبىرىنىڭ اۋلاسىندا بۇل جاندىكتىڭ بىرنەشە ءتۇرى كەزدەسكەن. سارىشاياننىڭ ەكى ادامدى شاققانى بەلگىلى بولىپ وتىر. زارداپ شەگۋشىنىڭ ءبىرى - ەرەسەك ەر ادام، ەكىنشىسى - بالا. مەنىڭ بالالارىم دا ءۇيىمىزدىڭ اۋلاسىنان سارىشاياندى كورگەنىن ايتتى. ءبىز ولارعا سارىشاياننىڭ قاۋىپتى ەكەنى تۋرالى ەسكەرتىپ قويعانبىز. سول سەبەپتەن، ولار ساقتانىپ ءجۇردى»، - دەيدى دانيار اۋبەكەروۆ.

ونىڭ ايتۋىنشا، سارىشاياندار اتىراۋ قالاسى ماڭىنداعى ەركىن قالا، جۇمىسكەر ەلدى مەكەندەرىندە دە بايقالعان.

Keywords: ايماق,
Up