Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ۆاكسيناتسياعا قاتىستى: توعجانوۆ شەنەۋنىكتەردى جازالاۋدى ۇسىندى

19 October 2021 12:08

نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى ەرالى توعجانوۆ ۆاكسيناتسيا قارقىنىن كەشىكتىرگەن اكىمدەردىڭ ورىنباسارلارىنا تارتىپتىك شارا قولدانۋدى ۇسىندى، دەپ حابارلايدى قازاقپارات ءتىلشىسى.

«1-قىركۇيەكتەن بەرى ۆاكسينالاۋ جوسپارىنىڭ ەڭ تومەنگى ورىندالۋى 10-13 پايىز كولەمىندە نۇر-سۇلتان قالاسى مەن ماڭعىستاۋ، قوستاناي وبلىستارىندا بايقالىپ وتىر. ۆەدومستۆوارالىق كوميسسيا وتىرىستارىندا وڭىرلەرگە ۆاكسيناتسيا قارقىنىن جەدەلدەتۋ تۋرالى بىرنەشە مارتە تاپسىرما بەرىلگەن بولاتىن. ءبىراق ول تاپسىرما قاجەتتى دەڭگەيدە ورىندالىپ جاتقان جوق»، - دەگەن ۇكىمەت باسشىسىنىڭ ورىنباسارى اكىمدىكتەردىڭ جاۋاپكەرشلىگىن كۇشەيتەتىن ناقتى شارالاردى ۇسىندى. «وسىعان بايلانىستى ءوڭىر اكىمدەرىنە ۆاكسيناتسيانى ۇيىمداستىرۋ بويىنشا شىعىس قازاقستان وبلىسىنىڭ ۇلگىسىمەن تۇبەگەيلى شەشىمدەر قابىلداۋ كەرەك دەپ ەسەپتەيمىز. ۆاكسيناتسيا جوسپارىنىڭ ورىندالماعانى ءۇشىن اكىمدىك باسشىلارىنىڭ جەكە باسىمەن جاۋاپتى ەكەنىن بەكىتۋ قاجەت. ەگەر ۆاكسينالاۋ بويىنشا وڭ ديناميكا بايقالماسا، وسى سالانى ۇيلەستىرەتىن اكىمدەردىڭ ورىنباسارالارىنا تارتىپتىك سيپاتتاعى شارا قولدانعان ءجون دەپ ەسەپتەيمىز»، - دەدى ەرالى توعجانوۆ.


Keywords: ايماق,
Up