Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

كوروناۆيرۋس: كەيبىر دارىگەرلەر ۇستەمەاقىنى زاڭسىز العان

19 October 2021 19:53

وسكەمەن. قازاقپارات - شىعىس قازاقستان وبلىسىندا كوروناۆيرۋسپەن كۇرەسكەندەرگە بەرىلەتىن ۇستەمەاقىنى كەيبىر دارىگەرلەردىڭ زاڭسىز العانى انىقتالدى، دەپ حابارلايدى قازاقپارات ءتىلشىسى.

بۇل جايلى ونلاين فورماتتا وتكەن جينالىس بارىسىندا ق ر سىبايلاس جەمقورلىققا قارسى ءىس-قيمىل اگەنتتىگى ش ق و بويىنشا دەپارتامەنتىنىڭ باسشىسى ەرلان جالماعامبەت ءمالىم ەتتى.

«بيۋجەت قاراجاتىن جىمقىرۋ فاكتىسى بويىنشا شار قالالىق اۋرۋحاناسىنىڭ لاۋازىمدى تۇلعالارىنا قاتىستى قىلمىستىق ءىس قوزعالدى. بەلگىلى بولعانداي، ولار COVID-19 ينفەكسياسىمەن كۇرەسكەندەرگە بەرىلەتىن ۇستەمەاقىنى اۋرۋحانا قىزمەتكەرلەرىنە نەگىزسىز تاعايىنداعان. وسىنىڭ سالدارىنان مەملەكەتكە 1,5 ميلليون تەڭگە مولشەرىندە ماتەريالدىق شىعىن كەلتىرىلدى»، - دەدى ول.

وسىعان وراي وبلىستىق دەنساۋلىق ساقتاۋ باسقارماسىنا قۇزىرەتتىلىگىندەگى مەديتسينالىق ۇيىمداردى ەسەپكە الۋ، جالاقى جانە كوروناۆيرۋسپەن كۇرەسكەن قىزمەتكەرلەرگە بەرىلەتىن ۇستەمەاقىلار بويىنشا تەكسەرۋ جوسپارىن بەكىتۋ ۇسىنىلدى.

ەگەر قانداي دا ءبىر زاڭبۇزۋشىلىق انىقتالسا، ءتيىستى ماتەريالدار قۇقىق قورعاۋ ورگاندارىنا جىبەرىلەدى.

Keywords: ايماق,
Up