Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ون جىلدان كەيىن نەگە وكىنەسىز؟

24 October 2021 12:31

نۇر-سۇلتان. قازاقپارات - بىزگە ءومىر ءبىر رەت قانا بەرىلەدى. دەمەك، ءبىزدىڭ جاساعان كەز كەلگەن تاڭداۋىمىز وتە ماڭىزدى.

ولار ومىرىمىزدەگى بەتپە-بەت كەلەتىن ساتتەردىڭ نەگىزى بولادى. سوندىقتان ون جىلدان قازىر الدىن الماعان ماسەلەلەر ءسىزدىڭ الدىڭىزدان شىعۋى مۇمكىن.

ون جىلدان كەيىن ءسىزدى مازالايتىن 5 نەگىزگى نارسە مىنالار:

1) ءسىزدىڭ باسقالاردان مۇلدە ايىرماشىلىعىڭىز جوق.

ءبىز ءبارىمىز جەكە ادامبىز جانە وزىمىزگە تيەسىلى ۇمىتتەر، ارماندار، قاسيەتتەر مەن ەرەكشەلىكتەرىمىزدى قابىلداۋ ءبىزدى مۇمكىندىگىنشە تولىق ومىرگە جەتەلەيدى. ءبىراق ەگەر ءسىز باسقالار سياقتى ءومىر ءسۇرۋدى تاڭداساڭىز، ون جىلدان كەيىن ءسىز:

— ءوز قالاۋىڭىزدان وزگەلەردىڭ قالاۋىن جوعارى قويعانىڭىزعا وكىنەسىز.

— الدىعا شىعىپ ءوزىڭىزدىڭ ەرەكشە ەكەنىڭىزدى دالەلدەۋدىڭ ورنىنا، كوپتىڭ ءبىرى بولىپ قالعانىڭىزعا وكىنەسىز.

— وزىڭىزگە قاتەلەسۋگە جانە وسۋگە مۇمكىندىك بەرۋدىڭ ورنىنا اقىماق بولىپ كورىنۋدەن قورقىپ، جاڭا نارسەلەردەن اۋلاق بولعانىڭىزعا وكىنەسىز.

2) كەكشىلسىز:

ءبارىمىزدىڭ ومىرىمىزدە وزگەلەرگە قاتتى رەنجىگەن كەزدەر بولادى. كەيبىر ادامداردى كەشىرە المايتىن ساتتەر دە بولادى. ەگەر ءسىز رەنىشتەردەن باس تارتپاساڭىز، بۇل ءومىر بويى جانىڭىزعا اۋىرتپالىق بولۋى مۇمكىن. ون جىلدان كەيىن ءسىز:

— ءسىز ءىشىڭىزدى ورتەگەن وشپەندىلىككە قارسى تۇرىپ، ونى بوساتۋدىڭ ورنىنا، ىشىڭىزدە ساقتاپ قالعانىڭىز ءۇشىن وكىنەسىز.

— ءسىز شەشىلمەي قالعان ماسەلەلەرگە نۇكتە قويۋدىڭ ورنىنا ءبارىن كىنالاۋ ءۇشىن ۋاقىتىڭىزدى تەككە وتكىزگەنىڭىزگە وكىنەسىز.

— جارقىن بولاشاق قۇرۋ ءۇشىن جۇمىس ىستەۋدىڭ ورنىنا ءسىزدى رەنجىتكەن ادامدارعا وكپەلەپ ءارى ولاردى كىنالاعانىڭىز ءۇشىن وكىنەسىز.

3) دەنەڭىزگە ءمان بەرمەيسىز:

ءسىزدىڭ دەنەڭىز - ءسىزدىڭ عيباداتحاناڭىز، ال سالاۋاتتى ءومىر سالتىنان باس تارتۋ سىزگە بولاشاقتا فيزيكالىق جانە پسيحيكالىق زيان كەلتىرەدى. ون جىلدان كەيىن ءسىز:

— زياندى ارەكەتتەرمەن دەنەڭىزدەگى كۇش-قۋاتتى جوعالىتپ العانىڭىزعا وكىنىڭىز.

— ءسىز دەنەڭىز سپورتقا بەيىم بولماۋى كەسىرىنەن، ارتىق قيمىلداعان جاعدايدا دەنەڭىز اۋىرا باستايتىن بولادى.

4) ءوز قاراجاتىڭىزدىڭ ماڭىزىن ەلەمەيسىز:

جاستايىڭىزدان اقشانى وڭدى-سولدى شاشا باستاساڭىز بولاشاقتا قارجىلىق ەركىندىگىڭىزدى قامتاماسىز ەتۋگە كوبىرەك ۋاقىت قاجەت بولادى.

— ءسىز كاسىپ اشۋدىڭ نەمەسە تابىس اكەلەتىن جاڭا داعدىلاردى ۇيرەنۋدىڭ ورنىنا قاجەت ەمەس نارسەگە ۋاقىت جوعالتقانىڭىزعا وكىنەسىز.

— ينۆەستيتسيانى ەرتەرەك باستاپ جانە ودان بولاشاقتا پايدا الۋدىڭ ورنىنا اقشاڭىزدى سالماعانعا وكىنەسىز.

— ءسىز قارىزعا باتىپ، جيناق جيناماعانىڭىزعا وكىنەسىز.

5) جاڭا نارسە ۇيرەنۋدى توقتاتتىڭىز:

وقۋ تەك مەكتەپپەن نە جوعارى وقۋ ورنىمەن شەكتەلمەيدى. ءومىر بۇل وقۋدان تۇرادى. جاڭا اقپارات پەن داعدى ءسىزدىڭ جارقىن بولاشاعىڭىزدىڭ سەبەپشىسى بولۋى مۇمكىن. ەگەر جاڭا نارسە ۇيرەنۋدەن باس تارتساڭىز، وندا ون جىلدان كەيىن ءسىز:

— كۋرستارمەن، ارەكەتتەرمەن، بەينەلەرمەن جانە كىتاپتارمەن قۇندىلىق قوسۋدىڭ ورنىنا اينالاڭىزداعى بارلىق وقۋ مۇمكىندىكتەرىن جىبەرىپ العانىڭىزعا وكىنەسىز.

— ءسىز ءوز ويلاۋ كوكجيەگىڭىزدى كەڭەيتپەگەنىڭىزگە، جاڭا ءتىل ۇيرەنبەگەنىڭىزگە وكىنەسىز.

— مانساپ جولىن جاقسارتۋ ءۇشىن ءوز داعدىلارىڭىز بەن قابىلەتتەرىڭىزدى دامىتپاعانىڭىزعا وكىنەسىز.

massaget.kz

Keywords: قوعام,
Up