Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

بيلىك كوروناۆيرۋسقا قارسى ۆاكسينالاۋدى مىندەتتى ەتپەك

3 December 2021 11:10

بريۋسسەل. قازاقپارات - گەرمانيا 2022 -جىلدىڭ اقپانىنا قاراي COVID-19-عا قارسى ەكپە سالدىرماعان تۇرعىندارعا ۆاكسينالاۋدى مىندەتتى ەتەدى، دەپ حابارلايدى قازاقپاراتتىڭ مەنشىكتى ءتىلشىسى.

«ءتورتىنشى تولقىن تەز ارادا توقتاتىلۋى كەرەك»، - دەدى گ ف ر كانسلەرى انگەلا مەركەل بەيسەنبى كۇنى جاڭا سانيتارلىق شارالاردى حابارلاۋ بارىسىندا. گ ف ر بيلىگى جاقىن ارادا جۇقتىرۋ جاعدايلارىن ازايتۋدى كوزدەپ وتىر. جاڭا ەرەجەرەلەرگە ساي، ەكپە سالدىرماعان تۇرعىندارعا بولشەك ساۋدا دۇكەندەرىنە كىرۋگە تىيىم سالىنادى. بۇل قاتارعا ءدارىحانالار مەن ازىق- تۇلىك سۋپەرماركەتتەرى كىرمەيدى. ودان بولەك، ۆاكسينا الماعان ادامنىڭ الەۋمەتتىك ورتاسى ەداۋىر شەكتەلەدى - وتباسىدان تىس ەكى ادامدى عانا قابىلداۋعا رۇقسات ەتىلگەن. سونىمەن قاتار ولارعا بار مەن مەيرامحانالارعا كىرۋگە تىيىم سالىنعان. گەرمانيا بيلىگى بۋندەستاگتىڭ 2022 -جىلدىڭ اقپانىنا قاراي ەلدە مىندەتتى ۆاكسينالاۋ مۇمكىندىگىن ەنگىزۋدى تالقىعا سالاتىنىن راستادى. «ۆاكسينالاۋ تۋرالى تالاپ اقپاندا كۇشىنە ەنەدى، وعان دەيىن ۆاكسينا الماعان ازاماتتاردىڭ كوروناۆيرۋسقا قارسى ەكپە سالدىرۋعا جەتكىلىكتى ۋاقىتى بار»، دەدى ا. مەركەل.

- ءبىز ۆاكسينالاۋدى مىندەتتى ەتۋ قاجەت ەمەس دەپ ۇمىتتەندىك. الايدا ۆاكسينالاۋ - پاندەميانى جەڭۋدىڭ جالعىز جولى، سول سەبەپتى ونى مىندەتتى ەتۋ تۋرالى شەشىم قابىلداۋىمىز كەرەك، - دەپ قوستى ول. گەرمانيادا كوروناۆيرۋس جۇقتىرعاندار قاتارى سوڭعى اپتالاردا تەز ءوسىپ كەلەدى. كورشىلەس نيدەرلاندى مەن بەلگيادا دا جاعداي وسىنداي.

Keywords: الةم,
Up