Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

اقتوبەدە جۇرگىزۋشى ايەل ايالدامانى قيراتىپ كەتتى

3 December 2021 13:21

اقتوبە. قازاقپارات - اقتوبەدە 25 جاستاعى جۇرگىزۋشى جول ەرەجەسىن بۇزىپ، ايالداما پاۆيلونىنا بارىپ سوقتىعىستى.

سالدارىنان ءوزى اۋرۋحاناعا ءتۇستى، دەپ حابارلايدى قازاقپارات ءتىلشىسى.

اقتوبە وبلىستىق پ د باسپا ءسوز قىزمەتىنىڭ حابارلاۋىنشا، «BMW» اۆتوكولىگىنىڭ 25 جاستاعى جۇرگىزۋشىسى اقتوبە قالاسىنداعى №7-كلينيكا- دياگنوستيكالىق ورتالىق الدىندا تۇرعان ايالداما پاۆيلونىنا بارىپ سوقتىعىستى.





«جۇرگىزۋشى اقتوبە اۋەجايىنان شىعىپ، جولدا №7 ك د و ماڭىندا جول- قوزعالىسى ەرەجەسىن بۇزعان. ول جول بەلگىسىن سىندىرىپ، اۆتوبۋس ايالداماسىن قيراتىپ كەتكەن. سالدارىنان ءوزى جەدەل جاردەم اۋرۋحاناسىنا جاتقىزىلدى. قازىرگى كەزدە قان سىناماسى الىنىپ، تەكسەرۋگە جىبەرىلدى. وقيعانىڭ ءمان-جايى انىقتالىپ جاتىر. ابىروي بولعاندا جول اپاتى كەزىندە ايالدامادا ەشكىم بولماعان»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.


اۆتور: التىناي ساعىندىقوۆا

Keywords: ايماق,
Up