Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

شىعىس دانالىعى نە دەيدى؟

14 January 2022 16:28

نۇر- سۇلتان. قازاقپارت - شىرايلى شىعىس ەلىن قاي شايىر جىرىنا قوسپادى؟ سۇلۋلىعىمەن دە، دانالىعىمەن دە الەم جۇرتشىلىعىن تاڭعالدىرعان شىعىس ەلى كىمدى بولماسىن ەلەڭ ەتپەي قويماسى انىق. وتا اۋىزدى، وراق ءتىلدى اقىندار دا شىعىستىڭ سۇلۋلىعىن جىرلاپ تاۋىسا الماعان شىعار، ءسىرا. شىعىس دانالىعىنىڭ كاۋسارىنان قانىپ ىشكىڭىز كەلسە، ۇسىنعانىمىزدان ۇرتتاپ كورىڭىز..


***

ەسكەكتى قولدانا الماساڭىز، قايىقتى اۋىستىرۋدىڭ قاجەتى جوق.

***

ءسىز ۇندەمەي قالعانىڭىز ءۇشىن ەشقاشان وكىنبەيسىز.

***

جالعىزدىقتا - ويىڭىزعا، وتباسىڭىزدا - مىنەزىڭىزگە، تانىستار اراسىندا - تىلىڭىزگە يە بولىڭىز.

***

ەشكىمگە اشۋلى كەزدە جاۋاپ بەرمە، قۋانىشتى كەزدە ۋادە بەرمە، ال قايعىرىپ تۇرعاندا شەشىم قابىلداما.

***

وزگەرگىڭ كەلسە، باتىل بول. مۇمكىن ەمەس ىستەردى جاساعىڭ كەلسە، ءتوزىمدى بول. قاي كەزدە باتىل، قاي كەزدە ءتوزىمدى بولۋ كەرەكتىگىن بىلگىڭ كەلسە، اقىلدى بول.

***

ەگىن پىسسە، باسىن تومەن تۇسىرەدى، ادام بايىسا، باسىن جوعارى كوتەرەدى. ***

ەشتەڭەنى بىلمەيتىن، ءبىراق ەشتەڭە بىلمەيتىنىن تۇسىنبەگەن ادام - اقىماق. ونى اينالىپ ءوت. ەشتەڭە بىلمەيتىن، ءبىراق ءوزىنىڭ بىلمەيتىنىن تۇسىنگەن جان - شاكىرت. وعان ءبىلىم ۇيرەت. بارلىعىن بىلەتىن، ءبىراق بىلەتىنىن تۇسىنبەگەن ادام - ۇيقىداعى جان. ونى ويات. بارلىعىن بىلەتىن جانە بىلەتىنىن تۇسىنگەن جان - دانىشپان. ونى ۇستاز تۇت.

***

ايەل - گۇل. جىگىت - باعبان. باعبان جاقسى كۇتىم كورسەتسە، گۇل ادەمى ءوسىپ شىعادى.

***

سەرتتەسپەسە، سەزىم بەكەر. سىيلاستىق بولماسا، ماحاببات شىنايى ەمەس. سەنىم جوق جەردە ەشتەڭە ونبەيدى.

***

شەشىمى تابىلاتىن ماسەلەنى ۋايىمداۋدىڭ قاجەتى جوق. شەشىمى تابىلماسا، ۋايىمداعاننان پايدا جوق.

***

ءبىر تاسقا ەكىنشى رەت شالىنبا! ءبىرىنشى رەت شالىنعان سوڭ ونى جولىڭنان الىپ تاستا.

***

كوڭىل- كۇيىڭنىڭ كىلتىن باسقالارعا بەرمە. سوندا قۋانىشتى ساتتەرىڭدى سەنەن ەشكىم ۇرلاي المايدى.

***

رەنىشتەردى قۇمعا، قۋانىشتاردى تاسقا جازىپ ۇيرەن.

***

ايەلدىڭ ارىن قورعاي العان ەل تۇبىندە ءبارىن قورعاي الادى.

Massaget.kz



Keywords: الةم,
Up