Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ك ح د ر جاپون تەڭىزىنە قاراي ەكى زىمىران ۇشىردى

27 January 2022 15:01

توكيو. كيودو- قازاقپارات - بەيسەنبى كۇنى سولتۇستىك كورەيا جاپون تەڭىزىنە قاراي ەكى سنارياد ۇشىردى، بولجام بويىنشا ولار قىسقا قاشىقتىقتاعى بالليستيكالىق زىمىراندار.

بۇل تۋرالى وڭتۇستىك كورەيا اسكەريلەرىنە سىلتەمە جاساپ، Kуоdo اگەنتتىگى جازادى، دەپ جازادى قازاقپارات.

اقپاراتقا سايكەس، زىمىراندار سولتۇستىك كورەيانىڭ شىعىسىنداعى حامحۋن اۋدانىنان تاڭعى 8:00-دە، اراسىنا بەس مينۋت سالىپ ۇشىرىلدى. ولار شامامەن 190 شاقىرىم ۇشىپ، 20 شاقىرىمداي بيىكتىككە جەتكەن. جاپون ۇكىمەتىنىڭ حابارلاۋىنشا، سناريادتار جاپونيانىڭ ەرەكشە ەكونوميكالىق ايماعى اۋماعىنا جەتپەي، تەڭىزگە ءتۇستى دەگەن بولجام بار. سناريادتاردان زارداپ شەككەندەر تۋرالى ناقتى مالىمەت جوق. ۇشىرۋ دەرەكتەرى راستالسا، بۇل جىل باسىنان بەرى التىنشى ۇشىرۋ بولادى. جاپونيانىڭ پرەمەر- ءمينيسترى فۋميو كيسيدا 27- قاڭتار كۇنى توكيودا جۋرناليستەرگە بەرگەن سۇحباتىندا ەل ۇكىمەتى زىمىرانداردىڭ سوڭعى ۇشىرىلىمىنا قاتىستى اقپارات دايىنداپ جاتقانىن ءمالىم ەتتى.

اۆتور: زارينا تۋعانبايەۆا

Keywords: الةم,
Up