Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستان اسكەريلەرى تۇركياداعى وقۋ- جاتتىعۋعا قاتىسىپ جاتىر

15 May 2022 10:40

يزمير. قازاقپارات - قازاقستان قارۋلى كۇشتەرىنىڭ جاۋىنگەرلەرى تۇرىكتىڭ يزمير قالاسىنداعى «دوعانبەي» پوليگونىندا ءوتىپ جاتقان «ەفەس - 2022» كوپۇلتتى جاۋىنگەرلىك وقۋ- جاتتىعۋىنا قاتىسۋدا، دەپ حابارلايدى قازاقپارات.

«وقۋ- جاتتىعۋ اسكەري شەبەرلىك پەن جاۋىنگەرلىك ماشىق دەڭگەيىن ارتتىرۋعا، سونداي- اق ارنايى وپەراتسيالار كۇشتەرى بولىمشەلەرىنىڭ جاۋىنگەرلىك دايارلىعىن جەتىلدىرۋگە باعىتتالعان. ودان بولەك، مانيەۆرلەرگە قاتىسۋ اسكەرلەردىڭ بەلگىلى ءبىر توبىنىڭ قۇرامىندا ءوزارا ءىس- قيمىلدى ۇيىمداستىرۋ تاجىريبەسىن جيناقتاۋعا مۇمكىندىك بەرەدى»، - دەلىنگەن ق ر قورعانىس مينيسترلىگىنىڭ اقپاراتىندا.

ءبىرىنشى كەزەڭ كومپيۋتەرلىك تەحنيكا مەن ەلەكتروندىق- ەسەپتەۋ جۇيەلەرىن قولدانۋ ارقىلى كوماندالىق- شتابتىق وقۋ- جاتتىعۋ تۇرىندە وتەدى. ال ەكىنشى كەزەڭدى بىرىككەن بولىمشەلەردە جاۋىنگەرلىك اتىسپەن بىرگە پراكتيكالىق ءىس- قيمىل تۇرىندە وتكىزۋ جوسپارلانعان. ال 28- مامىر – 9- ماۋسىم ارالىعىنا جوسپارلانعان بەلسەندى فازا بارىسىندا اسكەري قىزمەتشىلەر قۇرلىقتاعى جانە تەڭىزدەگى وپەراتسيالاردى بىرلەسىپ پىسىقتايتىن بولادى.

بيىل «ەفەس - 2022» وقۋ- جاتتىعۋىنا شامامەن 40 ەلدىڭ اسكەري قىزمەتشىلەرى قاتىسىپ جاتىر. مەملەكەت باسشىسى قاسىم- جومارت توقايەۆتىڭ تاپسىرماسىنا سايكەس، 2022 -جىلعى 19- قاڭتاردا قازاقستان قارۋلى كۇشتەرىنىڭ قۇرىلىمىندا ارنايى وپەراتسيالار كۇشتەرىنىڭ قولباسشىلىعى قۇرىلعانىن اتاپ وتكەن ءجون.

Up