Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستاندا جەڭىلدەتىلگەن اۆتونەسيە بەرۋ باستالدى

16 May 2022 09:02

نۇر- سۇلتان. قازاقپارات - قازاقستاندا جەڭىلدەتىلگەن اۆتونەسيە بەرۋ باستالدى. جەڭىلدەتىلگەن اۆتونەسيە ءبىر ادامعا ەكى جىل ىشىندە ەكى رەت بەرىلمەيدى، دەپ حابارلايدى قازاقپارات.

جەكە اۆتوپاركتى جاڭارتۋدى ىنتالاندىرۋ ماقساتىندا ق ر ازاماتتارىنا جەڭىلدىكپەن نەسيە بەرۋ بويىنشا اۆتوكولىك ساتىپ الۋ، سونداي- اق اۆتوبۋستار پاركىن جاڭارتۋ ءۇشىن «جاسىل دامۋ» ا ق قاراجاتى ەسەبىنەن باعدارلاما ازىرلەندى. جەڭىلدەتىلگەن نەسيە باعدارلاماسى بويىنشا قارجىلاندىرۋدىڭ جالپى سوماسى شامامەن 100 ميلليارد تەڭگەنى جانە قازاقستان وڭىرلەرىندەگى اۆتوبۋس پاركىن جاڭارتۋعا شامامەن 30 ميلليارد تەڭگەنى قۇرايدى. يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، حالىققا اۆتوكولىكتى نەسيەلەندىرۋ كەلەسى شارتتارمەن جۇزەگە اسىرىلادى:

- سىياقى مولشەرلەمەسى % 4؛

- نەسيە سوماسى 10000000 تەڭگەدەن اسپاۋى كەرەك؛

- قارجىلاندىرۋ مەرزىمى 7 جىلدان اسپايدى؛

- باستاپقى جارنا % 0- دان باستاپ؛

- كولىك قۇنى 15000000 تەڭگەدەن اسپايدى. نەسيە بەرۋدى ەكىنشى دەڭگەيدەگى بانكتەر جۇزەگە اسىراتىن بولادى. قارجىلاندىرۋدىڭ اشىقتىعىن قامتاماسىز ەتۋ ماقساتىندا ە د ب- دە تۇپكىلىكتى قارىز الۋشىعا قارجىلاندىرۋدى ۇسىنۋ مەرزىمدەرىنىڭ ساقتالۋىن باقىلاۋدىڭ اۆتوماتتاندىرىلعان جۇيەسى بولۋى شارت.

سونداي- اق ءبىر تۇپكىلىكتى قارىز الۋشىنى ەكى جىلدا ءبىر رەتتەن ءجيى ەمەس قارجىلاندىرۋ تۇرىندەگى شەكتەۋلەر بار. ليزينگ الۋشىلار ءۇشىن اۆتوبۋستاردى ساتىپ الۋ شارتتارى تومەندەگىدەي بولادى:

- سىياقى مولشەرلەمەسى % 0,01؛

- ليزينگ مەرزىمى 7 جىلعا دەيىن - باستاپقى جارنا % 0 باستاپ؛

جەڭىلدەتىلگەن اۆتونەسيە تۇرىندەگى قولداۋدان باسقا، مەملەكەت جەڭىلدىك سەرتيفيكاتتارىنىڭ قولدانىلۋ مەرزىمى ماسەلەلەرىن شەشۋ شارالارىن پىسىقتاۋدا.

بۇگىنگى تاڭدا و ك م وپەراتورىنىڭ فۋنكسيالارى «جاسىل دامۋ» ا ق- نا بەرۋىنە بايلانىستى وسىعان دەيىن پايدالانا الماعان جەڭىلدىك سەرتيفيكاتتارىن پايدالانۋعا مۇمكىندىك بەرەتىن تەتىكتەر زەردەلەنۋدە. بۇل سەرتيفيكاتتاردى پايدالانۋ جۇرگىزىلىپ جاتقان تەكسەرۋ ارەكەتتەرىنە بايلانىستى ۋاقىتشا توقتاتىلدى.

ايتا كەتەيىك، بۇعان دەيىن ۇكىمەت جەڭىلدەتىلگەن اۆتونەسيە باعدارلاماسىن بەكىتكەن بولاتىن. ال وتكەندە اپتادا ق ر ۇكىمەت باسشىسىنىڭ ءبىرىنشى ورىنباسارى رومان سكليار 16- مامىردا بانكتەر جەڭىلدەتىلگەن اۆتونەسيەگە ءوتىنىمدى قابىلداۋدى باستايتىنىن مالىمدەگەن ەدى.


Up