Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ەردوعان شۆەتسيا مەن فينليانديانىڭ ناتو- عا مۇشە بولۋىنا ءۇزىلدى- كەسىلدى قارسى

20 May 2022 11:27

نۇر- سۇلتان. قازاقپارات - تۇركيا العان بەتىنەن قايتپايدى. پرەزيدەنت رەجەپ تايىپ ەردوعان شۆەتسيا مەن فينليانديانىڭ ناتو- عا مۇشە بولۋىنا ءۇزىلدى- كەسىلدى قارسى ەكەنىن تاعى دا قايتالادى، دەپ حابارلايدى «حابار 24».

تۇرىك باسشىسى بۇل تۋرالى مۇستافا كەمال اتاتۇرىكتى ەسكە الۋعا ارنالعان ءىس- شارا كەزىندە ايتتى. ەردوعان بۇل ەلدەردىڭ لاڭكەستىك - ۇيىمدارعا قاتىستى ۇستانىمى ناقتى ەمەس دەيدى. ايتا كەتەيىك، ناتو- عا جاڭا ەلدەر ورتاق كەلىسىم بويىنشا قابىلدانادى.

رەجەپ تايىپ ەردوعان، تۇركيا پرەزيدەنتى:

- ەگەر اليانسقا مۇشە ەلدىڭ ءبىرى جوق دەپ ايتسا ناتو ول ەلدى قابىلداي المايدى. ءبىزدى بۇل قوس مەملەكەتتىڭ، اسىرەسە، شۆەتسيانىڭ لاڭكەستىك ۇيىمدارعا قاتىستى ۇستانىمى الاڭداتادى. سەبەبى، بۇل ەلدەر ولاردىڭ ۇيىنە اينالعان. ونىڭ ۇستىنە اتالعان مەملەكەتتەر بىزگە قارۋ جاراققا قاتىستى سانكسيا سالعان بولاتىن.

ال شۆەتسيا مەن فينليانديا ماسەلەگە قاتىستى تۇركيامەن كەلىسسوز جۇرگىزىپ جاتقانىن جەتكىزدى. بۇل تۋرالى قوس ەلدىڭ باسشىسى ۆاشينگتوندا پرەزيدەنت دجو بايدەنمەن كەزدەسۋدە مالىمدەدى. شۆەتسيا مەن فينليانديا وتكەن سارسەنبى كۇنى ناتو- عا قوسىلۋعا رەسمي تۇردە ءوتىنىش بەردى. سولتۇستىك اليانس باسشىسى يەنس ستولتەنبەرگ ءوتىنىمدى قاراستىرۋ تەز وتەتىنىنە سەنىمدى ەكەنىن ايتقان ەدى.

ساۋلي نيينيستيە، فينليانديا پرەزيدەنتى:

- تۇرىك باسشىلىعى ءبىزدىڭ ناتو- عا مۇشە بولۋ تۋرالى وتىنىشىمىزگە الاڭداۋشىلىعىن ءبىلدىرىپ وتىر. فينليانديا مەن تۇركيا ۇنەمى جاقسى قارىم- قاتىناستا بولعان. ءبىز لاڭكەستىكتىڭ بارلىق ءتۇرىن ايىپتاپ، ونىمەن بەلسەندى تۇردە كۇرەسىپ كەلەمىز. سوندىقتان اليانسقا مۇشە بولۋىمىزعا قاتىستى الاڭداتىپ وتىرعان كەز- كەلگەن ماسەلەنى تالقىلاۋعا دايىنبىز.

ماگدالەنا اندەرسسون، شۆەتسيا پرەمەر- ءمينيسترى:

- شۆەتسيا 200 جىلعا سوزىلعان بەيتاراپتىقتان كەيىن جاڭا باعىتتى تاڭداپ وتىر. وتكەن كۇنى شۆەتسيا مەن فينليانديا ناتو- عا مۇشە بولۋعا ءوتىنىش بەردى. بۇعان ءبىزدىڭ كورشى تاۋەلسىز، دەموكراتيالىق ەلگە جاسالعان اسكەري شابۋىل يتەرمەلەپ وتىر. سوندىقتان ۇكىمەت شۆەد حالقىنىڭ قاۋىپسىزدىگىن قامتاماسىز ەتۋدىڭ ەڭ ءتيىمدى جولى ناتو- عا مۇشە بولۋ دەپ شەشتى.

www.24.kz

Keywords: الةم,
Up