Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

سارقاندا بەس جاسار بالانىڭ ءمايىتى قوقىستا ءۇش ايدان بەرى جاتقان

20 May 2022 08:01

تالدىقورعان. قازاقپارات - الماتى وبلىسىنىڭ سارقان اۋدانىندا بەس جاسار بالانىڭ مۇردەسى قوقىستا ءۇش ايدان بەرى جاتقان. بۇل جاعداي تەرگەۋ بارىسىندا انىقتالدى، دەپ حابارلايدى قازاقپارات ءتىلشىسى.

قازىر پوليتسيا قايتىس بولعان بالانىڭ اناسى مەن تۋعان ناعاشى اعاسىنان جاۋاپ الۋ ۇستىندە. «ەكەۋىنىڭ ايتۋى بويىنشا، بالانىڭ مۇردەسىن قوقىسقا 2022 -جىلدىڭ 11- اقپانىندا اپارىپ تاستاعان»، - دەدى دەدى سارقان اۋدانى پروكۋرورىنىڭ ورىنباسارى ەدىل قورعانبايەۆ.

ياعني، 2017 -جىلى تۋعان بالانىڭ مۇردەسى 3 اي بويى قوقىس الاڭىندا جاتقان. كۋاگەرلەر بالانىڭ دەنەسىن تاۋىپ العاندا تەك قاڭقاسى قالعانىن ايتادى.

ايتا كەتەيىك، بۇعان دەيىن كۋاگەر بەس جاسار بالانىڭ مۇردەسىن قوقىستان قالاي تاپقانىن حابارلاعان بولاتىنبىز. سونىمەن قاتار، كىشكەنتايدىڭ ءولى دەنەسى قوقىستا قالاي پايدا بولعانى بەلگىلى بولدى .

ەستەرىڭىزگە سالساق، 18- مامىر كۇنى الماتى وبلىسى سارقان اۋدانىندا بەس جاسار بالانىڭ ءمايىتى قوقىستان تابىلعانىن حابارلاعان بولاتىنبىز. قۇزىرلى ورگاننىڭ اقپاراتىنا سايكەس، 19- مامىر كۇنى بالانىڭ اناسى انىقتالدى . ول - 2002 -جىلى تۋعان سارقان قالاسىنىڭ تۇرعىنى. بالاسىن 2017 -جىلى ياعني، 15 جاسىندا دۇنيەگە اكەلگەن. تەرگەۋ ءجۇرىپ جاتىر.

اۆتور: سامال قابىشيەۆا

Keywords: قوعام,
Up