Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

استانالىقتار مەدقىزمەتكەرلەردىڭ دورەكىلىگى مەن ءوز جۇمىسىن بىلمەيتىنىنە ءجيى شاعىمدانادى

20 May 2022 08:45

نۇر- سۇلتان. قازاقپارات - مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا كورسەتىلەتىن قىزمەتتەر مەن ونىڭ ساپاسىنا ءتۇرلى شاعىم كەلىپ تۇسەدى.

سونىڭ ىشىندە مەديتسينا قىزمەتكەرلەرىنىڭ دورەكى سويلەۋى مەن جۇمىسىن بىلمەۋىنە دە قاتىستى دا شاعىمدار بار. بۇل تۋرالى مىندەتتى الەۋمەتتىك مەديتسينالىق ساقتاندىرۋ قورىنىڭ نۇر- سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ ءمالىم ەتتى، دەپ حابارلايدى قازاقپارات ءتىلشىسى.

«تۇرعىندار كوبىنە كونسۋلتاتيۆتىك- دياگنوستيكالىق قىزمەتتەردىڭ جەتىمسىزدىگىنە، قۇرال- جابدىقتىڭ بولماۋى، كەزەكتى ۇزاق كۇتۋ، جولداما بەرمەۋ جانە كادر جەتىسپەۋشىلىگى بويىنشا شاعىم ءتۇسىرىپ جاتادى. سونداي- اق، مەديتسينا قىزمەتكەرلەرىنىڭ دورەكى سويلەۋى مەن قىزمەتىن بىلمەۋىنە دە قاتىستى شاعىمدار بار. ودان بولەك، مەديتسينالىق قىزمەت ساپاسى مەن قىزمەتتەردى ۇزاق كۇتۋ بويىنشا ارىز ءتۇسىپ جاتادى. جالپى العاندا شاعىمداردىڭ دەنى تۇرعىندارعا مەديتسينالىق كومەك كورسەتۋدى دۇرىس ۇيىمداستىرۋعا قاتىستى. اتالعان ماسەلەلەر سول جەردە، ياعني قىزمەت كورسەتىلگەن مەديتسينالىق ۇيىمدا شەشىمىن تابۋى ءتيىس»، - دەدى نۇرلىبەك قابدىقاپاروۆ ZOOM پلاتفورماسىندا وتكەن باسپا ءسوز ءماسليحاتىندا.

ونىڭ ايتۋىنشا، تۇسكەن بۇكىل شاعىم بويىنشا شارا قابىلدانىپ، ءوتىنىش يەلەرىنە جاۋاپ بەرىلەدى.

«وتىنىشتەر مەن شاعىمداردىڭ نەگىزگى بولىگى «1406» بايلانىس ورتالىعى مەن «Qoldau»

24/7 موبيلدى قوسىمشاسى ارقىلى تۇسەدى. ول وتىنىشتەر 3 دەڭگەيلى وڭدەۋدەن وتەدى. تۇرعىندارمەن تۇراقتى كەرى بايلانىس بار»، - دەيدى ول.

اۆتور: ءالي يبرايەۆ

Keywords: قوعام,
Up