Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

مەن ءالى ءوزىمنىڭ ەڭ مىقتى سوققىمدى جاساعان جوقپىن - جانىبەك ءالىمحان ۇلى

22 May 2022 10:02

نۇر- سۇلتان. قازاقپارات - جانىبەك ءالىمحان ۇلى (12-0، 8 ك و) بريتانيالىق دەنني ديگنۋممەن (14-1-1، 8 ك و) كەزدەسۋدەن سوڭ مالىمدەمە جاسادى، دەپ حابارلايدى قازاقپارات Sports.kz سايتىنا سىلتەمە جاساپ.

«مەن ءوزىمنىڭ جانكۇيەرلەرىمە كوپ العىس ايتامىن، قولداۋ كورسەتكەندەرىڭىز ءۇشىن راحمەت! سىزدەر ماعان قانشالىقتى زور قولداۋ كورسەتىلگەنىن كوردىڭىزدەر. الايدا مەن ءوزىمنىڭ ەڭ مىقتى سوققىمدى كورسەتكەن جوقپىن. ونى كەلەسى كەزدەسۋدە تاماشالايتىن بولاسىزدار!»، - دەدى جانىبەك.

سونداي- اق ول كەزدەسۋدەن سوڭ گولوۆكينمەن كەزدەسۋ تۋرالى ساۋالعا دا جاۋاپ بەردى.

«گولوۆكين «مەكسيكا ءستيلىن» كورسەتكىسى كەلەتىنىن ايتاتىن. ال سەن بىزگە «قازاق ءستيلىن» كورسەتتىڭ. گولوۆكينمەن كەزدەسكىڭ كەلمەي ما؟» - دەگەن ساۋال قويدى جۇرگىزۋشى جانىبەككە.

«مەن قاشاندا الەمگە «قازاق ءستيلى» قانداي بولاتىنىن كورسەتكىم كەلگەن. قازاق سالتىندا جاستار ۇلكەنگە قارسى شىقپايدى. مۇمكىن ول سۋپەر جارتىلاي سالماققا كوشەر، ال مەن ورتا سالماق ديۆيزيونىنداعى بارلىق اتاقتارىمدى جينايتىن ەدىم»، - دەدى جانىبەك ءالىمحان ۇلى.

Keywords: سپورت,
Up