Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

اقپاندا قامالعان ماڭعىستاۋ وبلىسى اكىمىنىڭ ورىنباسارى عالىمجان نيازوۆ قىزمەتىنە قايتا كىرىستى

25 May 2022 09:44

اقتاۋ. قازاقپارات - ماڭعىستاۋ وبلىسى اكىمىنىڭ ورىنباسارى عالىمجان نيازوۆ قىزمەتتىك مىندەتتەرىن اتقارۋعا قايتا كىرىستى، دەپ حابارلايدى قازاقپارات ماڭعىستاۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇدان بۇرىن حابارلانعانداي ، ماڭعىستاۋ وبلىسى اكىمىنىڭ ورىنباسارى عالىمجان نيازوۆتىڭ ۇستالعانى تۋرالى اقپارات 24 - قاڭتاردا جاريالانعان. قارجى مونيتورينگى اگەنتتىگى بۇل دەرەكتى 4 - اقپاندا رەسمي راستادى. شەنەۋنىكتىڭ ەكى ايعا قاماۋعا الىنعانى حابارلاندى.

عالىمجان نيازوۆ سۇيىتىلعان مۇناي- گازىن جەتكىزۋ سالاسىنا جاۋاپتى بولعان. وعان قىزمەتتىك وكىلەتىن اسىرا پايدالاندى دەگەن ايىپ تاعىلدى. 17 - اقپاندا سوت تەرگەۋشىنىڭ بۇلتارتپاۋ شاراسىن «ءۇيقاماققا» وزگەرتۋ تۋرالى ءوتىنىشىن قاناعاتتاندىردى. وسى ۋاقىت بويى اكىم ورىنباسارى جالاقىسىز ەڭبەك دەمالىسىندا بولعان.

اۆتور: زارينا تۋعانبايەۆا

Up