Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

مەملەكەت باسشىسى مەكتەپتە دومبىرا ساباعىن وتكىزگەن قايراتكەرگە العىس ءبىلدىردى

27 May 2022 17:02

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ نازاربايەۆ زياتكەرلىك مەكتەبىنىڭ وقۋشىلارىمەن اۋقىمدى دومبىرا ساباعىن وتكىزگەن قازاقستان رەسپۋبليكاسىنىڭ ەڭبەك سىڭىرگەن مادەنيەت قايراتكەرى ايتجان توقتاعانعا العىس حات جولدادى، دەپ حابارلايدى اقوردا.

«حالىق مۇراسىن ناسيحاتتاۋ جانە ۇيرەتۋ ىسىنە بەل شەشە كىرىسىپ، كوپشىلىككە بەلگىسىز تۋىندىلاردى نوتاعا ءتۇسىرىپ، ولاردىڭ اۆتورلارىن انىقتاۋعا اتسالىسىپ كەلەسىز. سان جىلعى زەرتتەۋ جۇمىستارىڭىزدىڭ ناتيجەسى ىسپەتتى ەڭبەكتەرىڭىز قازىرگى تاڭدا مۋزىكا مەكتەپتەرى مەن وقۋ ورىندارىندا وقۋلىق رەتىندە قولدانىلىپ ءجۇر. ال نازاربايەۆ زياتكەرلىك مەكتەبىنىڭ مىڭنان استام وقۋشىسى قاتىسقان دومبىرا ساباعىڭىز وسكەلەڭ ۇرپاقتىڭ ۇلتتىق كۇي ونەرىنە قىزىعۋشىلىعىن ارتتىرىپ، ءبىلىمىن تەرەڭدەتكەن ماڭىزدى شارالاردىڭ ءبىرى بولدى. ۇلتتىق ونەردى ۇلىقتاۋعا باعىتتالعان بۇل مادەني ءىس- شارا گيننەس رەكوردتار كىتابىنا ەنەدى دەپ سەنەمىن»، - دەلىنگەن العىس حاتتا.

ەسكە سالساق، فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىندە 2021- 2022- وقۋ جىلى دومبىرا ساباعىمەن اياقتالىپ، وعان مىڭنان استام وقۋشى قاتىستى. دومبىرا ساباعىن مادەنيەت قايراتكەرى ايتجان توقتاعان وتكىزدى. وسى دومبىرا ساباعى گيننەس رەكوردتار كىتابىنا ەنۋى مۇمكىن.


Keywords: مادةنيةت,
Up