Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستاندا ناشاقورلىققا قارسى كۇرەس ايلىعى باستالدى

27 May 2022 22:24

نۇر-سۇلتان. قازاقپارات - قازاقستاندا ناشاقورلىققا قارسى كۇرەس ايلىعى باستالدى، دەپ حابارلايدى قازاقپارات.

بۇگىن ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن ناشاقورلىققا قارسى كۇرەس ايلىعىنىڭ رەسمي اشىلۋى ءوتتى.

شارا 26- ماۋسىم - حالىقارالىق ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس كۇنىنە وراي ۇيىمداستىرىلدى.

جيىنعا ىشكى ىستەر ۆيتسە-ءمينيسترى ەرجان سادەنوۆ، ورتالىق جانە جەرگىلىكتى اتقارۋشى ورگانداردىڭ، قوعامدىق جانە ۇكىمەتتىك ەمەس ۇيىمداردىڭ وكىلدەرى، ۆولونتەرلەر قاتىستى.

«مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا ەسىرتكىنىڭ، ونىڭ ىشىندە سينتەتيكالىق ەسىرتكىنىڭ تارالۋى بولاشاق ۇرپاقتىڭ ءال-اۋقاتىنا قاۋىپ توندىرەتىنىن اتاپ ءوتتى. ەسىرتكىسىز قوعام قۇرۋ - قازاقستاننىڭ ءاربىر ازاماتىنىڭ الدىنداعى مىندەت. 11- مامىردا ءبىز ەسىرتكى قىلمىسىنا قارسى ءىس-قيمىل جانە ناشاقورلىقتىڭ الدىن الۋ شارالارىن جەتىلدىرۋ جونىندەگى 2022-2023-جىلدارعا ارنالعان جول كارتاسىن بەكىتتىك. الدىن الۋ - ناشاقورلىق پەن ەسىرتكى بيزنەسىنە قارسى ءىس-قيمىل جۇيەسىندەگى ەڭ باستى ەلەمەنت. كۇش بىرىكتىرۋدىڭ ارقاسىندا ءبىز وسكەلەڭ ۇرپاققا وڭ ىقپال ەتىپ، سالاۋاتتى بولاشاقتى قامتاماسىز ەتەتىنىمىزگە سەنىمدىمىن»، — دەدى ەرالى توعجانوۆ.

ءوز كەزەگىندە ەرجان سادەنوۆ ەسىرتكىمەن كۇرەس بويىنشا ىشكى ىستەر مينيسترلىگى جۇرگىزىپ جاتقان جۇمىستارعا توقتالىپ، ولاردىڭ ناتيجەسىمەن ءبولىستى.

«ەلىمىزدە جىل باسىنان بەرى بارلىعى ەسىرتكىگە قاتىسى بار 1400 قۇقىق بۇزۋشى ۇستالدى. 600 گە جۋىق اكىمشىلىك قۇقىق بۇزۋشىلىق جانە 1800 گە جۋىق قىلمىستىق ارەكەت انىقتالدى. سونداي-اق زاڭسىز اينالىمنان ەكى تونناعا جۋىق ەسىرتكى زاتى تاركىلەندى»، - دەدى ۆيتسە-مينيستر ەرجان سادەنوۆ.

ەسىرتكىگە قارسى ايلىقتى وتكىزۋ بارلىق ازاماتتاردى، ولاردىڭ ىشىندە كامەلەتكە تولماعاندار مەن جاستاردى الدىن الۋ ءىس-شارالارىمەن كەڭىنەن قامتۋعا باعىتتالعان. ەسىرتكىنى تۇتىنۋدىڭ الدىن الۋدىڭ وزەكتى جانە پروبلەمالىق ماسەلەلەرى بويىنشا پەداگوگتەرمەن، پسيحولوگتارمەن، پەدياترلارمەن، اتا-انالارمەن سەمينار-كەڭەستەر مەن دارىستەر وتكىزۋ جوسپارلانعان.

ايلىق 26- مامىر - 26- ماۋسىم ارالىعىندا ەلىمىزدىڭ بارلىق وڭىرىندە وتكىزىلەدى. شارا سوڭىندا جاستار اراسىندا ناشاقورلىقتىڭ الدىن الۋ بويىنشا قوعام، ۇ ە ۇ، ب ا ق وكىلدەرى مەن بلوگەرلەرگە ارنالعان سەمينار-ترەنينگ وتكىزىلدى.

Up