Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

شەتەلگە كەتىپ جاتقان جاستاردى قولدايمىن - باعدات مۋسين

28 May 2022 08:59

نۇر-سۇلتان. قازاقپارات - ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ەلىمىزدەن شەتەلگە كەتىپ جاتقان جاستارعا قاتىستى پىكىرىن ءبىلدىردى، دەپ حابارلايدى قازاقپارات.

«جۋىردا جۋرناليستەر مەنەن شەتەلدىك ءىرى كومانيالاردا جۇمىس ىستەۋگە كەتىپ جاتقان جاستارىمىز تۋرالى ويىمدى سۇرادى. مەن ولاردى قولدايمىن! بۇل رەتتە ءۇندىستان مەن قىتايدى مىسالعا كەلتىرۋگە بولادى - بۇل ەلدەردىڭ مىڭداعان جاس ازاماتتارى شتاتتاردا جانە باسقا مەملەكەتتەردە جۇمىس ىستەيدى. سولاردىڭ كەيبىرەۋى مىقتى كومپانيالاردى باسقارىپ وتىر. الەمدەگى ءىرى كومپانيالاردىڭ باسشىلىعىندا كەزىندە ءوز ەلىنەن كەتكەن كىسىلەر ءجۇر. مۇنداي ءۇردىستىڭ ناتيجەسى قانداي؟ بۇل كىسىلەر قازىر ءوز وتانىنا ينۆەستيتسيا قۇيۋدا، ءوزى جۇمىس ىستەيتىن كومپانيالاردىڭ وكىلدىكتەرىن اشىپ، تۋعان ەلدەرىن دامىتۋعا ۇلكەن ۇلەسىن قوسىپ جاتىر»، - دەپ جازدى باعدات مۋسين ءوزىنىڭ Facebook پاراقشاسىندا.

سونداي-اق ول قازاقستاننان دا شەتەل اسىپ، ءىرى كومپانيالاردا جۇمىس ىستەپ جاتقان جاستار جەتەرلىك، ولار دا ءوز ەلىنە جانى اشىپ، قولداۋ كورسەتىپ جاتىر - قاجەتتى كەڭەس بەرۋ، ماڭىزدى ادامدارمەن تانىستىرۋ، كەيدە ءتىپتى ءىرى كومپانيالارمەن مەموراندۋم جاساۋعا اتسالىسىپ ءجۇر. مىسالى، Binance Earn كومپانياسىنداعى Business Development director قىزمەتىندەگى @راۋان ساگيدۋللا تسدياوم ۆيتسە-ءمينيسترى @جاسلان مادييەۆ باستاعان ارىپتەستەرىممەن بىرگە الەمدىك كريپتوبيرجا ليدەرى چانپەن چجاونىڭ قازاقستانعا ساپارىن ۇيىمداستىرىپ، مەموراندۋمعا قول قويۋعا جول اشتى.

بارشاڭىزعا ەل بولاشاعى ءۇشىن جاساعان وسىنداي ەڭبەكتەرىڭىز ءۇشىن العىس ايتامىن، ال حالىقارالىق كومپانيالارعا ورنالاسىپ جاتقان جانە شەتەلدىك جوو- دا ءبىلىم الىپ جۇرگەن وتانداستارىما ساتتىلىك تىلەيمىن! قازاقستاندىقتاردىڭ ءوز ەلىنە دەگەن ىستىق ىقىلاسىنا كۇمانىم جوق، سوندىقتان ولار مىندەتتى تۇردە تۋعان جەردىڭ يگىلىگى ءۇشىن قىزمەت ەتىپ، الداعى ۋاقىتتا ەلگە ورالاتىندارىنا سەنىمدىمىن!»، - دەيدى مينيستر.

Up