Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ەلىمىزدىڭ بىرنەشە قالاسىندا اسكەري وركەسترلەر شەرۋى ءوتتى

29 May 2022 08:16

وسكەمەن. قازاقپارات - الماتى، قاراعاندى، ورال جانە وسكەمەن قالالارىندا قازاقستان رەسپۋبليكاسى ۇلتتىق ۇلان باس قولباسشىسىنىڭ جۇلدەسى ءۇشىن اسكەري وركەسترلەر اراسىندا «اسكەري كەرنەي» بايقاۋى ءوتتى، دەپ حابارلايدى قازاقپارات ءتىلشىسى.

ق ر ۇ ۇ «شىعىس» وڭىرلىك قولباسشىلىعى باسپا ءسوز قىزمەتىنىڭ مالىمەتىنە سۇيەنسەك، وسكەمەندەگى بايقاۋعا ۇزدىك وركەسترلەر ۇجىمى قاتىستى.

اتاپ ايتقاندا، وسكەمەن قالاسىنىڭ 5518، سەمەيدەگى 5511 جانە پاۆلودارداعى 5512 اسكەري بولىمدەرى ونەر كورسەتتى.

«بۇل كۇنى اسكەري وركەستر ۇجىمدارى كلاسسيكالىق مۋزىكادان باستاپ، پوپ جانرىنداعى تۋىندىلارىن ۇسىندى. باعدارلاما ەكى كەزەڭنەن تۇردى. بىرىنشىسىندە وركەسترلەر وزدەرىنىڭ ساپتىق دايىندىعىن كورسەتەتىن دەفيلە پلاتس-كونسەرتىن پاش ەتسە، ەكىنشى كەزەڭدە كونسەرتتىك باعدارلامادا مۋزىكالىق تالانتتارى مەن وركەستردىڭ شەبەرلىگىن كورسەتتى»، - دەيدى 5518 اسكەري ءبولىمىنىڭ وركەستر ديريجەرى ماكسيم ناگوۆيتسىن.

ۇلتتىق ۇلانىنىڭ «اسكەري كەرنەي بايقاۋى» وسىمەن 11 جىل قاتارىنان وتكىزىلىپ كەلەدى. وسى ۋاقىت ارالىعىندا تەك قازاقستان وركەسترلەرى عانا ەمەس، قىتاي، رەسەي سىندى ءبىرقاتار ەلدەردەن دە قاتىسۋشىلار بولعان.

ەكى كەزەڭنەن تۇراتىن «اسكەري كەرنەي» بايقاۋىنىڭ فينالى نۇر-سۇلتان قالاسىندا وتەدى.


Keywords: مادةنيةت,
Up