Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Берік Әбдіғалиұлы халықаралық «Қазақ тілі» қоғамының президенті болып сайланды

26 November 2021 11:31

ТҮРКІСТАН. ҚазАқпарат -Халықаралық «Қазақ тілі» қоғамының жаңа президенті сайланды. Бұл қызметті Мәжіліс депутаты Берік Әбдіғалиұлы атқаратын болады, деп хабарлайды ҚазАқпарат тілшісі.

Сонымен қатар Түркістан қаласында өтіп жатқан құрылтайда қоғамның вице- президенттері болып Максим Рожин мен Анар Фазылжанова сайланды. Келелі басқосуда сонымен қатар қазақ тілінің қоғамдағы ролін дамыту талқыланып, тілге қатысты заңға өзгерістер енгізу ұсынылды.

Айта кетейік, бүгін Түркістан қаласында Халықаралық «Қазақ тілі» қоғамының құрылтайы өтуде. Ауқымды шараға Мемлекеттік хатшы Қырымбек Көшербаев, Премьер-Министрдің орынбасары Ералы Тоғжанов, сондай-ақ Білім және ғылым министрі Асхат Аймағамбетов пен Парламент депутаттары қатысуда. Еліміздің барлық өңірінен келген қоғам қайраткерлері мен зиялы қауым өкілдерінің, облыстар мен қала басшылары бастаған тіл жанашырлары өзекті мәселені өзара талқыға салуда.


Up