Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Бокс: Әлемнің бұрынғы чемпионы қарсыласының қабырғасын сындырды

17 October 2021 10:13

НҰР-СҰЛТАН. ҚазАқпарат – Британдық боксшы кіші Крис Юбэнк (30-2, 22 КО) туған жері Ньюскалда Армениядан шыққан неміс боксшысы Ваник Авдиянға (28-1, 11 КО) қарсы жекпе-жек өткізді, деп хабарлайды ҚазАқпарат Sports.kz сайтына сілтеме жасап.

Орта салмақтағы боксшылар жекпе-жегі он раундтан тұруы тиіс болған, бірақ Юбэнк жекпе-жекті бұрын аяқтады. Жұдырықтасу кезінде қабырғасы сынған Авдиян бесінші раундқа шығудан бас тартты.


Осылайша, Крис Юбэнк кәсіби мансабында 31-ші жеңісіне (соның 23-і нокаутпен аяқталған) қол жеткізсе, Авдиян екінші рет жеңіліс тапты.
Еске сала кетсек, бұған дейін Юбэнк қазақстандық чемпион Геннадий Головкинді (41-1-1, 36 КО) талай рет жекпе-жекке шақырп келеді. Британдық спортшы WBA нұсқасы бойынша әлемнің «уақытша» чемпионы болған.


Up