Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Футболдан Еуропа чемпионаты: Венгрия мен Франция 33 жылдан кейін тең түсті

19 June 2021 20:58

НҰР-СҰЛТАН. ҚазАқпарат - Бүгін футболдан Еуропа чемпионатының финалдық сатысының топтық кезеңі екінші турында Венгрия мен Франция кездесті, деп хабарлайды ҚазАқпарат тілшісі.

Еске салсақ, аталған екі құрама F тобында сынға түседі. Қарсыластары – Португалия мен Германия.

Алғашқы турда Франция Германиядан 1:0 есебімен басым түссе, Венгрия Португалияға 0:1 есебімен жол берді.

Екі құрама бұған дейін 25 мәрте кездесті. Оның 14-де венгрлер жеңіске жетіп, 8-де француздар басым түссе, қалғанында тең нәтиже тіркелді.

Бүгінгі кездесуде ойын басынан француздар алға қарай ұмтылды. Гол соғатын бірнеше мүмкіндігі болған еді. Дегенмен оны пайдалана алған жоқ. Есесіне бірінші кезеңнің соңына таман Венгрия сапынан Аттила Фиола өз құрамасын алға шығарды.

Екінші кезеңде француздар таразы басын теңестіру жолын іздеді. Нәтижесінде 66-минутта Антуан Гризманн мергендік танытты.

Кездесуде қос құрама 1:1 есебіне қанағат білдіріп тарасты.

Айта кетейік, екі құрама 1988 жылдың 27 сәуірінде өткен Еуропа чемпионаты іріктеу кезеңінде 2:2 есебімен тең түскен еді. Содан бергі екі кездесуде де Франция жеңіске жеткен болатын.

Еске салсақ, аталған топтағы тағы бір кездесуде елорда уақытымен 00.50-де Португалия мен Германия шеберлік байқасады.

Бұл топтағы үшінші турда 23 маусымда Германия мен Венгрия, Португалия мен Франция жасыл алаңға шығады.

Up