Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

Қарамағындағылардан ақша алған Кинология орталығының бастығы сотталды

23 May 2022 17:45

НҰР-СҰЛТАН. ҚазАқпарат - ҚР ІІМ Кинология орталығының бастығы сотталды. Бұл туралы Сыбайлас жемқорлыққа қарсы іс-қимыл агенттігі хабарлады.

«Сыбайлас жемқорлыққа қарсы қызмет ҚР ІІМ Кинология орталығының бастығы А.А. Болғымбаеваға қатысты лауазымдық өкілеттіктерін теріс пайдалану фактісі бойынша қылмыстық істі тергеуді аяқтады. А. Болғымбаева 2021-2022 жылдары өзінің қарамағындағылардан жалпы сомасы 1 675 000 теңге болатын, сыйлықақы төлемі ретінде берілген ақшалай алым жасады деп күдікке ілінген», - делінген хабарламада
Алматы қаласы бойынша Түрксіб аудандық сотының 19 мамырдағы үкімімен А.А. Болғымбаева мемлекеттік органдарда қызмет атқару құқығынан өмір бойына айыра отырып, 2 жылға бас бостандығын шектеуге сотталды.
Үкім заңды күшіне енген жоқ.
Up