Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

Қарашөкеев өндіріс көлемі 100 пайызға жеткізілетін азық-түлік түрлерін атады

18 January 2022 10:56

НҰР-СҰЛТАН. ҚазАқпарат –ҚР Ауыл шаруашылығы министрі Ербол Қарашөкеев 2025 жылға қарай өндіріс көлемі 100 пайызға жеткізілетін азық-түлік түрлерін атады, деп хабарлайды ҚазАқпарат тілшісі.

«Импортты алмастыру жөніндегі іс-шараларға келетін болсақ, ішкі нарықтағы азық-түлік тауарларының негізгі түрлері бойынша отандық өндіріс есебінен қамтамасыз етілу 80 және одан да көп пайызды құрайды», - деді министр бүгін Үкімет отырысында.

Оның атап өтуінше, азық-түлікпен қамтамасыз ету деңгейін сақтаудың және арттырудың маңыздылығын ескере отырып, Қазақстан Республикасының агроөнеркәсіп кешенін дамыту жөніндегі 2021-2025 жылдарға арналған ұлттық жоба аясында азық-түлік тауарлары өндірісінің көлемін кемінде 80 пайызға, құс етін – 100, шұжық өнімдерін – 100, ірімшік және сүзбені – 100, алманы – 100, балықты – 100 және қантты 80 пайызға арттыру үшін инвестициялық жобаларды іске асыру басталды.

«Мемлекет басшысының барлық тапсырмалары бойынша Ауыл шаруашылығы министрлігі олардың уақытылы және сапалы орындалуы үшін қажетті іс-шараларды қабылдайды», - деді Ербол Қарашөкеев.


Up