Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Қостанай облысында өнеркәсіп саласындағы жобалар пулы құрылды

3 December 2021 17:17

НҰР-СҰЛТАН. ҚазАқпарат – Қостанай облысында өнеркәсіп саласындағы жобалар пулы құрылды. Бұл туралы осы өңірдің әкімі Архимед Мұхамбетов мәлім етті, деп хабарлайды ҚазАқпарат тілшісі.

«Жыл басынан бері өнеркәсіп кәсіпорындары 1 870,2 млрд теңгенің өнімін өндірді. Индустрияландыру жылдарында инвестициялық жобаларды жүзеге асырған кәсіпорындар айтарлықтай өсімді қамтамасыз етті. Мәселен, машина жасау (17,7%-ға), металлургия (20,2%-ға), металл емес өнім (35,6%-ға) және тамақ өнімдері (1,3%-ға) өндірісінің ұлғаюы есебінен өңдеуші өнеркәсіп 13,5% -ға өсімді көрсетуде», - деді А. Мұхамбетов Орталық коммуникациялар қызметінде.

Оның айтуынша, өсу резервтері ретінде таяу жылдарға арналған 2 трлн теңге болатын 80 жобадан тұратын тізім қалыптасты. Пул жобаларын жүзеге асыру өңірдің өңдеу өнеркәсібі көлемінің айтарлықтай өсуіне ықпал ететін болады.


Up