Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Павлодар облысында екі көлік бетпе-бет соқтығысып, үш адам мерт болды

1 August 2021 01:12

ПАВЛОДАР. ҚазАқпарат - Павлодар облысында көлік апаты болып, үш адамның өмірі қиылды, деп хабарлайды Pavlodarnews.kz.

Көлік апаты « Ленинский-Русская поляна» тасжолында болды.

Облыстық ПД баспасөз қызметінің мәліметіне сай, 31 шілде күні 17:30-да «Volkswagen Passat» пен «Toyota Carina» маркалы көліктері бетпе-бет соқтығысқан. Оқиға орнында үші адам мерт болды.

«Оқиға орнына жедел жәрдем бригадасы және Ертіс аудандық ауруханасынан медициналық бригада барды. Үш адам қайтыс болды: 51, 49 жастағы әйел, 52 жастағы ер адам», - деп хабарлады облыстық жедел жәрдем станциясы.

Одан бөлек тағы үш адам — 1961 және 1971 жылғы ер адам мен 1960 жылғы әйел жапа шеккен. Екі жүргізуші мен жолаушыларды түрлі жарақатпен Ертіс аудандық ауруханасына жеткізген.


Up