Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Павлодарда «Супер келін» анықталды

26 November 2021 22:58

ПАВЛОДАР. ҚазАқпарат - Ертіс-Баян өңірінде жас келіндер арасында жыл сайынғы «Супер келін – 2021» облыстық байқауы өтті, деп хабарлайды ҚазА0парат Pavlodarnews.kz-ке сілтеме жасап.

Жастар бастамаларын дамыту орталығының мәлімдеуінше, келіндер додасына жасы 18-ден 29 жасқа дейінгі орамалдылар қатысты.
- Келіндер 4 кезеңнен тұратын байқауға мұқият дайындалды. Оның біріншісі – бейне презентация. Яғни мұнда келіндер өздерін, отбасын таныстыратын болса, екіншісі - келіндер өз қолдарымен әзірлеген ұлттық тағамын ұсынатын болса, үшінші кезеңде қатысушыларға қамыр жайса, соңғы бөлімде өзінің өнерін көрсетіп, шығармашылық қабілетін аша білді, - делінген баспасөз хабарламасында.

Байқау қорытындысы бойынша қазылар алқасының шешімімен Назира Сабыр «Супер келін -2021» атағын жеңіп алды. Ал «Өнерлі келін - 2021» аталымын Дариза Мешітбай иеленсе, «Шебер келін - 2021» аталымында Назерке Бекжанова жеңіске жетті.
Жеңімпаздар бағалы сыйлықтармен және дипломдармен марапатталды.
Сонымен қатар, байқауға қатысқан барлық қатысушылар ынталандыру сыйлықтарымен, гүл шоқтарымен және естелік дипломдармен марапатталды.


Up