Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Риддерде 70-тен асқан зейнеткер дүкенде есірткі сақтаған

21 October 2021 07:20

РИДДЕР. ҚазАқпарат – Шығыс Қазақстан облысы Риддер қаласында 73 жастағы зейнеткер дүкенде есірткі сақтаған, деп хабарлайды ҚазАқпарат тілшісі.

ШҚО Полиция департаменті Есірткі қылмысына қарсы күрес басқармасының қызметкерлеріне Риддер қаласы тұрғынының есірткі сақтағаны туралы хабар келіп түсті. Жедел уәкілдер ақпаратты тексеруге кіріскен.

Тінту жүргізу барысында 73 жастағы зейнеткерге тиесілі дүкеннен кептірілген көкнәр сабағы табылды. Сараптама қорытындысына сәйкес, есірткінің жалпы салмағы 30 грамнан асады.

«Аталған факті бойынша ҚР Қылмыстық Кодексінің 296-бабы 2-бөлігіне сәйкес (есірткі заттарымен заңсыз жұмыс істеу) сотқа дейінгі тергеу амалдары басталды. Есірткі қылмысына қарсы іс-қимыл ІІМ-нің басым міндеттерінің бірі. Осы бағыттағы жұмыс үздіксіз жүргізілуде», - деді облыстық ПД бастығының орынбасары Талғат Шаяхметов.


Up