Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

Сарапшы: Омикрон штамынан кейінгі антидене дельтадан онша қорғай алмайды

22 January 2022 14:38

МӘСКЕУ. ТАСС – ҚазАқпарат - Коронавирустың дельта штамын жұқтырғаннан кейін организмде қалыптасқан антиденелер омикроннан қорғайды, алайда бұл процесс әлсіз жүреді. Бұл туралы ДНКОМ молекулалық-генетикалық зерттеулер ғылыми орталығының негізін қалаушы және бас директоры Андрей Исаев айтты, деп хабарлайды ҚазАқпарат ТАСС агенттігіне сілтеме жасап.

«Өкінішке қарай, зерттеу нәтижесі омикроннан кейінгі иммунитет басқа штамдардан қорғауда нашар жұмыс істейтінін дәлелдеді. Дельтадан кейінгі антидене омикроннан аздап болсын қорғайды, ал омикроннан кейінгі антидене дельтаға өте әлсіз әсер етеді» деп атап өтті сарапшы.

Гректің омикрон әрпімен белгіленетін B.1.1.529 коронавирусының штамы 2021 жылы Африканың оңтүстігінен табылды.

Соңғы мәліметтер бойынша, Ресейде бұл штамды 1682 адам жұқтырған.

Жаңа инфекциямен күресу жөніндегі федералды жедел штабтың соңғы мәліметтері бойынша Ресейде инфекцияның жаңа жағдайлары арасында коронавирустың дельта штамының үлесі бір күн бұрын 52,3%-ға қарағанда 56,2% - ға дейін төмендеді.

Омикрон мен басқа штамдардың үлесі 47,7% дейін өсті.

Омикрон елдің 52 өңірінде тіркелген.


Up