Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Семейде көлік қаққан 20 жастағы жігіт көз жұмды

2 December 2021 09:50

СЕМЕЙ. ҚазАқпарат – Семей қаласында екі адамды көлік қағып кетті, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, жол-көлік оқиғасы 1 желтоқсан күні кешкі сағат 22:20-да Қабанбай батыр мен Гетте көшелерінің қиылысында болған.

«Land Rover көлігінің 29 жастағы жүргізушісі реттелмеген жаяу жүргіншілер жолағынан өтіп бара жатқан екі адамды қағып, сол жерден із суытты. 20 жастағы жігіт оқиға орнында көз жұмды. Ал жарақат алған 16 жастағы қыз ауруханаға жатқызылған», - делінген ақпаратта.

Қазіргі уақытта полиция қызметкерлері күдіктіні ұстады. Оған қатысты ҚР Қылмыстық Кодексінің 345-бабы 3-бөлігі және 347-бабына сәйкес сотқа дейінгі тергеу амалдары басталды.


Up